https://finance.now.com/analysis/post.php?id=858988&type=338【Now財經台】近期中資股反彈，走勢相當強勁，恒生國企指數由3月底至昨日(7日)止，明顯跑贏美國標普500指數。「股市漁夫」創辦人莊志雄認為，今次唔係純資金市，MSCI中國指數嘅估值跌至2022年第4季以來最低水平，以現時約9倍市盈率(PE)來看，相信已反映好多負面消息，若參考2022年估值見底後指數嘅反彈情況，估計今輪升浪最少可再持續4至6周。佢又指，基金減持中資股已見底回升，中國股票基金錄得近兩個月以來最大資金流入。
Lewis續指，依家最值得留意係出完業績後，股價明顯上升嘅非指數成分股，因為股價唔係靠基金焗追而帶動，而係有靚業績及高beta支持，佢又點名攜程集團(09961)、泡泡瑪特(09992)、赤字城科技(09911)、美圖公司(01357)及復宏漢霖(02696)。
【名家給力場】中資股呢浸最少升多1個月(上)
【名家給力場】中資股呢浸最少升多1個月(下)
【Now財經台】美國3月通脹超預期，其他經濟數據亦表現強勁，美國聯儲局主席鮑威爾(Jerome Powell)昨日(16日)改口，暗示或要延遲加息，大行瑞銀(UBS)甚至估計，今年減息後，明年有機會加息。不過，美銀最新調查顯示，仍有唔少基金經理預期，未來12個月美國經濟唔會陷入衰退，佢哋係咪對經濟前景過分樂觀？ 「股市漁夫」創辦人莊志雄估計，隨著美國政府嘅國債負擔愈來愈重，加上中東局勢緊張，聯儲局今年或會減息1次，但指減息後通脹可能更不受控。 Lewis指出，過去6個月受訪基金經理普遍對美國債市、股市前景比較樂觀，所以大幅減少手頭現金，並大量買入包括股票、長債等長期資產(long-duration assets)。佢引述美銀4月調查指，基金經理嘅股票配置繼續上升，而目前現金僅佔基金經理管理資產4%。 Lewis續指，環球通脹開始見底回升，市場對減息次數嘅預期愈縮愈少，經理就有壓力減倉提高現金水平，到時美股有機會調整至少1個月。 https://finance.now.com/analysis/post.php?id=855512&type=338 https://finance.now.com/analysis/post.php?id=855513&type=338【名家給力場】小心美股減倉潮沽壓(上)
【名家給力場】小心美股減倉潮沽壓(下)
【Now財經台】由於美國經濟及就業數據強勁，令市場對聯儲局嘅減息預期降溫，但金價持續強勢，商品、能源及黃金價格表現更跑贏美股，雖然最新利率期貨顯示，市場對美國年底減息嘅預期持續降溫，但美股暫時未有太大反應，究竟依家反映緊乜嘢？ 「股市漁夫」創辦人莊志雄指，減息預期暫時影響唔到股市，因為聯儲局官員經常出嚟發表言論，令市場有個錯誤預期，以為今年真係會減息，佢提醒，要留意聯儲局會唔會唔理通脹，6月就開始減息。 Lewis又認為，當市場估計聯儲局冇誠意減息遏通脹，就會諗有咩可以對沖通脹，因為股市估值貴，推高估值反而不利投資者，所以唔會從估值方面入手，反而睇返3月會發現減息預期降溫，壓制咗債價及科技股，唯獨商品相關工具做得好，所以佢提醒，資產配置一定要有商品類，因為商品喺投資組合中最不受通脹影響。 https://finance.now.com/analysis/post.php?id=854331&type=338 https://finance.now.com/analysis/post.php?id=854332&type=338【名家給力場】資產配置一定要有商品(上)
【名家給力場】資產配置一定要有商品(下)
https://finance.now.com/analysis/post.php?id=853357&type=338 https://finance.now.com/analysis/post.php?id=853358&type=338【Now財經台】由於市場預期，美國聯儲局唔會咁快減息，美國10年期國債息率一度創今年新高，突破4.4厘，呢個走勢有咩啟示？
「股市漁夫」創辦人莊志雄指，一直叫市場留意4.4厘呢個位，因為「新債王」岡拉克(Jeffrey Gundlach)曾經講過，4.4厘呢個高位會對資產價格造成壓力，係一條警戒線，第2季一開局就挑戰呢個位，暫時唔肯定衝穿4.4厘後，會唔會再一直上衝，如果真係衝穿，突破埋5厘都唔出奇。
Lewis又分析指，聯儲局2022年中啟動加息周期後，當年第2季都曾加息0.75厘，債息幾日內抽高50點子，但之後一直冇乜大變動，直至今年2月公布消費物價指數(CPI)後，債息急升逾30點子，後來聯儲局不斷「放鴿」，令市場認定上半年將會減息，不過，債息不單冇跌穿4厘，反而向上挑戰4.4厘，反映債市或長債投資者認為，聯儲局依家嘅做法會令長期息率落唔返黎，意味美國長期通脹已較難控制。
【名家給力場】美債息高企反映通脹難受控(上)
【名家給力場】美債息高企反映通脹難受控(下)
【Now財經台】日本央行結束負利率政策，17年以來首次加息，不過，日圓及日債表現反高潮，日圓跌穿151，債息又顯著向下，係咪市場解讀為日央行實際上會繼續寬鬆？ 「股市漁夫」創辦人莊志雄指，議息結果公布前，好多人諗住日央行會加息，或者已經結束超寬鬆貨幣政策，所以可能好多盤等緊Long Yen，但有時事情發生後，唔係跟住大衆意願去行，例如英偉達(Nvidia)峰會都有類似情況，股價喺峰會後升唔到，最重要日央行行長植田和男嘅言論，市場解讀為「鴿派地加息」，而Yen嘅反應顯示，市場質疑日央行嘅做法控唔控制到通脹，所以Yen就不升反跌。 Lewis續指，植田已講明會保留大量靈活性，保持寬鬆政策，亦表明冇緊急加息嘅必要，可能佢認為通脹會持續回落。市場反應方面，即使今次係萬眾期待，但今次加息仍然唔係全票通過，所以兩年期利率都見頂回落，10年期利率更誇張，知道日央行放棄孳息曲線控制(YCC)政策後，亦指會保留大量彈性，可以隨時再買長債，見到長債息回套返最近一半升幅，所以日圓有咁嘅反應係正常，因為日央行都講明會再買返債，似乎唔係正式結束超寬鬆貨幣政策。 https://finance.now.com/analysis/post.php?id=851113&type=338 https://finance.now.com/analysis/post.php?id=851114&type=338【名家給力場】日本加息後Yen不升反跌係正常(上)
【名家給力場】日本加息後Yen不升反跌係正常(下)
