【Now財經台】市場等緊聯儲局今晚出爐嘅議息結果，睇下有冇傾「收水」，依家市場嚴重「水浸」，美銀證券嘅報告話，客戶債務投資佔資產管理規模比率持續喺低位，反映客戶唔願意揸債券，點解會出現呢個現象？
「股市漁夫」創辦人莊志雄指，如果睇返一啲調查，普遍認為通脹只係暫時性，但睇返佢哋嘅倉位又係另一回事，高資產值人士揸債券嘅比重約18%，係歷年來最少，過往平均比重約27%，亦睇到個比重係一路跌緊，如果認為通脹只係暫時性，比重應該係會維持，反映佢哋睇通脹唔係暫時性。
Lewis又話，部署通脹可以留意道瓊斯交通指數，因為可以預先睇到後市方向。
