文章分享

【名家給力場】美債息升穿呢個位標指有難

 
「股市漁夫」創辦人莊志雄指，標普500指數及納斯達克100指數依家企喺高位，但其實美股有近60%股份已跌穿50天線，表現兩極化，造得好嘅股份帶領指數破頂，表現差嘅股份就股價大冧，以Nike為例，集團出完業績股價就大跌，仲錄得23年最大跌幅。佢又話，受經濟疲弱拖累，或公司本身有問題，當呢啲公司一出業績，股價就隨即急挫，其中又以中小型股最受債息影響。
 
Lewis又話，過往經濟好嘅時候，債息升，標指就會跟升，不過，2022年後，債息升，標指就會跌，若美國10年期債息升至4.6厘，就會對標指造成壓力，投資者要留意美債息升至4.6厘後會唔會爆升。
 

【名家給力場】切忌生錢變死錢

【Now財經台】美國債市持續有異象，例如將美國長債交易所買賣基金(ETF)同納指100 ETF走勢拍埋睇，大部分時間都係同步，但今年第2季有一段時間係異常地唔同步，美國長債ETF跌，但納指100 ETF升，期間美股喪炒人工智能(AI)，預期通脹回落及息口見頂等，依家睇返轉頭，當時係咪炒錯咗？ 

「股市漁夫」創辦人莊志雄指，依家睇返一定係，當大家一窩蜂去做一件事，短線係可以唔跟基本因素，但大部分時間都要跟，點解揀美國長債ETF及納指100 ETF分析，因為呢啲資產唔係睇今日，而係睇未來，前者係未來20年嘅現金流，後者部分公司依家係冇盈利，都係著眼於未來10、20年，公司愈做愈好，將來有現金流時，就可以折現返去今日，就可以做一個估值。

Lewis又話，呢啲Long duration assets最怕利率向上，因為要喺未來嘅現金流折現返去今日，利率愈高就愈唔值錢，今次個債喺2021年已見頂回落，因為債券投資者對通脹敏感度較高， 長債真正大跌係2022年開始，初期一路拖住納指落去，兩者表現幾乎一模一樣，2022年呢兩類資產價格都係跌約30%。

【名家給力場】切忌生錢變死錢

 

https://youtu.be/5FkydSBoZoU?si=wjuZ2CRwHm3meKRy

【名家給力場】美銀行業風暴未完？

 
「股市漁夫」創辦人莊志雄指，依家嘅情況仍然唔明朗，今次危機嘅源頭，喺美國方面係存款流失，即所謂擠提，令好多中小銀行頂唔順，要美國政府出手頂住，情況係咪已經改善？如果睇返最新數據就唔係，因為數以千計嘅美國中小銀行仍面對存款流失情況，就連較大型嘅商業銀行都出現呢個情況，而當中涉及多個因素。
 
Lewis又話，存款流失問題仍未「止血」，中長線而言，對美國經濟有好大影響，原因係...
 

【名家給力場】日本央行退出超寬鬆貨幣政策

【Now財經台】日本央行噚日向市場投下震撼彈，出乎預期擴大10年期國債孳息率區間，明示退出維持多年嘅超寬鬆貨幣政策。

「股市漁夫」創辦人莊志雄認為，當連長年面對通縮嘅日本都轉鷹，反映環球通脹情況已經嚴重失控，各國央行其實冇計控制通脹，指炒作減息憧憬係言之尚早。佢續指，數據顯示日本早前已開始縮表，可見今次行動並非突然。

Lewis又指，美債引伸波幅喺各國央行減加息幅度後，仍未穩定落嚟，預期明年債市會愈來愈波動，又話今年現金及收息工具跑贏大部分資產，認為明年嘅投資策略可保守啲，例如投資美國短期國庫債券(T-bills)，幾個月內就可以連本收返3至4厘息。

視頻鏈接（第 1 部分）：https://finance.now.com/analysis/study.php?topicId=3&newsId=772221&c=

視頻鏈接（第 1 部分）：https://finance.now.com/analysis/study.php?topicId=3&newsId=772222&c=

【漁夫短評】如何變招去應對目前的狀況？ 付費會員獨家

 
債券收益率的飆升最終壓倒了英國幾乎所有的養老基金。簡而言之，大批英國養老基金（技術上稱為負債驅動的投資，或LDI基金）未能有效地對沖其利率風險，並被要求繳納數十億金邊證券的保證金，迫使他們向突然凍結的稀薄市場拋售債券，造成一個 「死亡螺旋」。隨著連環追繳保證金的蔓延，一個潛在的破壞性反饋循環出現了，養老基金突然面臨破產風險，因為大規模的拋售進一步推低了基金作為資產持有的金邊債券價格，要求他們拿出更多的現金，這意味著出售更多的金邊債券等等。正如英國《金融時報》的詳細報導，事實證明，我們可能離「雷曼2.0」已經很近了。
 
美國交易員在周三歐美交易時段驚醒，得知英倫銀行為避免英國養老金的崩潰，而採取了緊急行動，釋放了650億英鎊的債券購買計劃（即重啟QE），以阻止危機出現。
 
作為「臨時和有針對性」的行動一部分，英國央行暫停了早前擬議的出售金邊債券的QT計劃！相反，它承諾在未來13個工作日內，以每天高達50億英鎊的速度購買長期債券。這種「臨時」的債券購買行動(QE)真的會有「結束」的一天嗎？未來一旦BOE暗示要控制通脹並回到QT，債券市場會唔會再次出現恐慌性拋售？
 
雖然我們今天早上已知道上述的救市行動，但我們不知道的是，英國的金融系統已經傷得有多嚴重。
 
「如果今天沒有干預，金邊債券收益率可能會從昨天的4.5%上升到7-8%，在這種情況下，大約90%的英國養老基金將耗盡抵押品！」⋯⋯Cardano Investment首席執行官Kerrin Rosenberg說。 
 
漁夫預計在接下來的幾週內，會在其他西方國家或會看到類似的救市行動。我們現在生活在一個收益率上升到5%的世界中，不僅有整個養老金系統的風險，而且還威脅到所有社會穩定。我們提出這個問題，只是為了防止有人仍然天真地認為美聯儲會繼續加息，而無視其最近的行動所帶來的破壞性。
 
究竟我們應該如何變招，去應對目前的狀況？漁夫仍然會用那十二字格言：
 
多些觀察
少些預測
適時調校    
 
過去兩個交易日，我們觀察到美元急回，而同時間反彈力度最強便是.......................

【名家給力場】金融市場壓力好大

 
「股市漁夫」創辦人莊志雄指，喺黃金、標指、美元、納指100等各類資產價格中，美股尤其納指表現係最差，而標指喺1個月內亦跌咗10%，市場預期聯儲局會加息0.75厘或1厘，而聯儲局一向好少畀到驚喜市場，因此，美股8月開始跌咗咁多，夾淡倉亦唔出奇。
 
Lewis又指，美股近月表現差，但恒生指數及美國10期債券都跌得少過美股，其實今年標指同長債跌幅差唔多，但經過8月嗰浸跌幅後，長債跌幅已經係標指一半，如果美國瀕臨衰退或金融市場有好大壓力，睇返過去20至30年表現，通常美元及美債都會升，但暫時只係美元有得升，若聯儲局加息加得好狠，令美國通脹回落，美債就會升，不過，若聯儲局最終同市場預期一樣只加息0.75厘，美債就未必可以升。
 
 
 

【名家給力場】歐洲股市大挫滙豐都要遭殃？

 
「股市漁夫」創辦人莊志雄指，歐洲經濟數據出爐觸發歐元急跌，而一算呢個大位完全冇支持，Lewis相信係一個警號。綜觀過去一星期，歐洲股市表現差，影響環球股市，市場會聚焦喺Jackson Hole會議內容上，不過無論放「鷹」定放「鴿」，都改變唔到歐洲局面，因為佢地面對緊好多問題。德國喺以往跌市時應該跌得最少，而且跌幅同標普500指數差唔多，但德國ETF喺過去一個禮拜跌幅為標普500嘅兩倍。另外，跌得第二多嘅歐洲MSCI金融股ETF跌6.4%，整體歐洲Stoxx 50指數同歐元累跌6.28%。當歐元跌時，美匯指數會升，對股市同金融狀態有收緊作用，最受影響就係金融機構。過去一個禮拜德意志銀行股價跌約10%，瑞信股價亦下試幾十年來低位，其他銀行都要跌，在歐美銀行中最穩陣嘅摩根大通亦受拖累，跌6.5%。滙豐控股(00005)過去一個禮拜累跌5%，Lewis認為滙控遲早被歐洲股市拖累。
 

【漁民系列】60/40 股債投資組合的可持續性 付費會員獨家

在過去 20 年的大部分時間裡，儘管發生了經濟、政治和市場動盪，但股票（標普 500 指數）和債券（10 年期國債）價格均呈上升趨勢（圖1），而股票和債券回報之間的相互關係往往是背道而馳，當股票表現不佳時，債券往往表現良好，反之亦然。 基於這種關係，財務顧問建議投資者把60%的資金投放於股票，40% 投放到債券上，這個 60-40 比例可以很好地控制投資組合風險並取得較好的回報。