【Now財經台】內房股呢兩日彈高，花旗嘅報告預期，內房股仲有10%至15%反彈空間，今輪升勢可能持續到11月，而中央喺六中全會召開前出手維穩，除要求銀行加快審批樓按，人行副行長亦指內房融資逐步回復正常。

勝利瑞柏基金管理合伙人暨投資總監陳建良指，唔少市民攞晒成副身家去買樓，阿爺今次只係派定心丸畀買咗樓嘅市民，但從來冇話過要幫内房墊底，實情係中國恒大(03333)事件，令好多市民對房地產失去信心，未必想再買樓，減少咗地方政府嘅收入，所以中央唔會對內房見死不救。

【名家給力場】阿爺唔會對內房見死不救(上)