文章分享

勝利瑞柏基金管理合伙人暨投資總監陳建良估計，中央將因應農曆新年期間整體消費，以及春節假後復工數據做部署，若消費數據向好，就唔需要推咁多刺激政策，反之亦然，所以的確會進入一個相對冇討談空間嘅時間。 

KL續指，估計恒指明年較大機會呈橫行格局，但同過往慢慢飄落去嘅橫行唔同，因為外資唔會喺經濟啱啱復甦後，就即刻投資港股及A股，所以佢認為港股明年唔會升好多，但亦唔會出現資金大舉流走或沽空嘅情況。 

佢又預期，港股明年板塊輪動會幾明顯，唔同板塊會輪流炒上，而且係短線升完一浸就跌，所以較難捕捉政策市反彈，佢建議投資者明年僅適量參與，唔好太進取。 

【名家給力場】恒指2025年料橫行 散戶唔好太勇(上) 

勝利瑞柏基金管理合伙人暨投資總監陳建良指，內地首次舉行發布會係想表示國家會支持醫療板塊，令市民能夠買到新生物製藥。此外，醫保局亦容許新生物製藥適量加價。整體而言，國家希望令內地醫療水平上升，市民對未來嘅憂慮減少，從而帶動消費上升。 

KL續指，美國生物安全法案雖然禁止美國生物公司同中國企業合作，但歐洲一啲福利較為完善嘅國家，仍然需要靠中國生物製藥公司提供廉價藥物，因此，KL認為法案令美國藥廠成本提高，最終係損害緊美國，相反對內地其實係有利。 

勝利瑞柏基金管理合伙人暨投資總監陳建良指，主動型基金配置至8月底係5%，可能係基於唔同原因Short咗A股或港股，Short港股嗰啲如果下面冇平倉都夾死咗，所以估計嗰批應該已平晒倉。不過，如果要去返一個合理嘅比重，情況應該要持續，又認為相關配置應該未完。 

佢又話，當中央嘅招數盡出後，就要觀察兩樣嘢，首先係政策力度係咪符預期，因為市場預期一直升溫，如果力度比預期大，個市會再抽上去，但可能好快就轉弱，如果力度比預期細可能會回調，所以係考驗決策者點樣拿捏市場及民眾嘅水平。佢認為，現水平應該係未加完倉，但會唔會不問價咁加倉，佢估計，第一下可能已完成咗大部分。 

KL續稱，長倉基金配置唔會好心急，會等回調買入(Pull Back)，亦會趁呢個浪睇下邊啲股份或經濟面會受惠，主要係仲有時間，同埋長倉配置唔可以齋睇momentum，雖然整體升浪未完，但現階段需要先唞一唞。 

【名家給力場】陳建良:基金配置A股應未完(上)