Lewis又話，高盛自己做咗一個風險胃納指標，過往見到虛擬貨幣表現差，整體市場嘅風險胃納表現都係會轉弱。

「股市漁夫」創辦人莊志雄認為，機會係愈嚟愈大，今年美股有得升主要靠舊經濟股，如果睇返大市值股，今年升得最多係石油股，之前炒到顛嘅疫情相關股，例如Zoom股價舊年10月已經見頂，而一啲Story Stock，即係故事好美麗，「契媽」好鍾意、講未來講太空嗰啲股份，近期係跌得最勁，喺2月12日見頂後，走勢一浪低於一浪，因為估值太貴，泡沫已經爆破咗，其實要睇經濟重唔重啟到，反而要睇住一類股票，就係...

「股市漁夫」創辦人莊志雄指，好多美國企業嘅成績表都遠好過預期，比率近90%，上一次有咁好成績已經係2010年，但要留意一點，就係2010年後，績優企業都有啲無以為繼，因為好過預期嘅比率已經好高，要再進一步係有難度，股市喺經濟復甦嗰一下之後，就要唞唞氣，當日美股跌到好殘，但經濟就重新起步。

Lewis又話，如果睇標指企業真係交足貨，但最有趣之處就係業績靚，但股價唔識升，如果睇返過去一星期出咗業績嘅科技巨企，雖然唔係間間跌，Facebook 、Alphabet都有得升，但部分就跑輸標指，其實高增長股喺2月已經見頂，雖然依家標指仲撐得住，但今次業績公布後，見到績優股都要跌，佢認為有兩個「解釋」...

「股市漁夫」創辦人莊志雄指，噚晚債息冇大反應係好事，其實近期債息都比較穩定，所以之前影響股市表現嘅情況冇再出現。睇返美銀嘅調查，可能係股票價值升咗，債券價值跌，此消彼長下，私銀客戶持有股票比重去到2005年以來高位，達63.6%，值得留意係，2015年呢個比重係62.5%，當年係一個上落市，暫時睇嚟同今季情況差唔多。

Lewis又話，過往如果去到咁滿倉係要小心啲，起碼唔好再加倉，賺緊錢一定繼續持貨，美銀嘅調查話依家係牛市末期，其實係比較奇怪，因為依家先開始復甦，未見過啱啱復甦就係牛市末期，而基金經理持倉又咁滿，相信原因係...

「股市漁夫」創辦人莊志雄指，由於Facebook、Alphabet、微軟創新高，帶動標指破頂，雖然納指冇創新高，但今年以嚟仲係有升幅，不過，由於之前好多炒得好顛嘅股份，尤其未有盈利嗰啲，其實呢類股票已經屬於「泡沫爆破」，例如「契媽股」。佢又話，其實少咗股份參與今輪升市，亦睇到市寬係背馳，標指係向上，因為大市值股造好，但整體大市係愈來愈多股份跌穿50天線，剩返約一半股份喺50天線樓上。

Lewis估計，市寬會喺現水平上落，強勢股會hold得好啲，但弱勢股彈完之後應該冇力再升，市寬要上返高位亦比較難，因為有好多蟹貨，相信第二季都會係呢個狀態，即指數可能再創新高，但之前炒得最顛嘅股份，最叻都只係打橫行。

「股市漁夫」創辦人莊志雄指，其實美股喺舊年9月有一個幾明顯嘅變化，開始炒經濟重啟，加上美元回軟，債息又慢慢升返上去，有利舊經濟同新興市場，所以美股喺9月初見咗高位後，一般人鍾意揸嘅股票都跑輸指數，除咗Alphabet，Facebook更加要輸錢，反而新興市場表現更好，單係指數已跑贏個股，因為新興市場嘅ETF，以六個月計，升咗20%至30%。佢又話，過去幾個月，美股買指數贏錢容易過買股，投資者鍾意揸嘅股票表現都幾參差，Tesla舊年係造得最好，但今年就無力升，跟唔到個指數。

Lewis話，新興市場就中國造得最好，計埋人民幣升值嘅滬深300 ETF跑贏印度、俄羅斯、巴西，帶挈埋港股喺牛年返嚟都開紅盤。如果純粹以估值角度出發，新興市場係較值博，但要留意...

「股市漁夫」創辦人莊志雄指，近期大家都好關注GameStop同白銀，但其實挾淡倉呢個現象，已經行咗幾個月，如果睇返美股沽空指數，喺舊年10月左右破頂，呢堆畀人沽空最多嘅股票，喺2018年至2020年第三季都跑輸標普500指數，喺拜登當選前後，市場開始炒復甦，最畀人睇淡、最殘嘅股票，就開始挾上嚟，所以個指數喺11月後，係大幅跑嬴標指。Lewis估計，玩沽空挾淡倉暫時應告一段落，即未來一至兩個月。至於挾淡倉幾時會再出現，應該係...