文章分享

【名家給力場】日本市場風險不容忽視

【Now財經台】過去1個月，睇返唔同ETF類別嘅表現，上月以新興市場ETF表現較好，一路炒美元回軟及中國經濟重啟，日圓ETF只係排第2位，點睇嚟緊嘅走勢？未來係咪繼續炒中國重啟因素？

「股市漁夫」創辦人莊志雄指，投資者好多時留意今日發生嘅事，但始終要睇返個趨勢，其實由舊年第4季開始，主題係熊市反彈，特色係之前強勢嘅美元回一回，令好多股市指數造返好啲，以龍頭美股為例，雖然過去1個月累升3%至4%，但有一點要留意，睇返標指嘅走勢，舊年6月係插咗落去，之後一直處於上上落落嘅狀態，仲未擺脫下降軌，其實係類似熊2狀態，即係跌咗近20%後，造返一個反彈，但又破唔到頂，跟住又呈一個上落格局，龍頭已經係咁，其他市場都可能畀龍頭牽著，最重要龍頭唔好出事。

Lewis又話，日本市場係今年最少人談論嘅風險因素，日本央行今日出咗聲明後，日圓應聲下跌，行長黑田東彥就快卸任，維持政策不變係正常，但令佢聯想到當年美國聯儲局狂做寬鬆政策，令美國經濟表現似乎好好，但2008年就出現雷曼倒閉事件，因之前過度印銀紙，印出一個樓市泡沫，最後要靠QE收科，依家日本嘅情況有啲類似。

【名家給力場】小心美股興倒轉炒

【名家給力場】股市見底兩大指標

【Now財經台】雖然美股今年開局出師不利，但有分析認為，美股連跌兩年並唔常見，更預期美股今年好大機會回升，不過，如果講股市見底，港股係咪會快過美股？

「股市漁夫」創辦人莊志雄表示，見底有兩個條件，首先係要沽嘅人已經沽晒，香港之前好明顯係，聽到最差嗰日有基金經理宣布香港科技股已經清咗倉，而宣布後就啱啱見底。即係話當投資者悲觀到一個程度，跌到15000點就睇10000點，當市場出現呢啲極度悲觀情況，股市係有機會見底。

佢續指，其次係睇基本因素，估值係咪去到歷史低位，依家美股肯定唔係，美股跌咗逾20%後，標指經周期調整市盈率仍有20倍以上，歷史低位一般係10幾倍，通脹失控年代甚至見過單位數。

Lewis認為，港股可以睇高一線，因為恒指已跌到低過帳面價值，怛恒指係咪可以見底回升，暫時仍未肯定，但大市有15%至30%股份已經見咗低位，即有啲股份唔會跌穿舊年低位，但唔代表恒指唔會再探底，因為美股未跌完，就有機會拖累恒指。

【名家給力場】股市見底兩大指標 

https://youtu.be/nxynM50RvgQ

【名家給力場】明年投資短債更著數

【Now財經台】日本央行噚日向市場投下震撼彈，出乎預期擴大10年期國債孳息率區間，明示退出維持多年嘅超寬鬆貨幣政策。

「股市漁夫」創辦人莊志雄認為，當連長年面對通縮嘅日本都轉鷹，反映環球通脹情況已經嚴重失控，各國央行其實冇計控制通脹，指炒作減息憧憬係言之尚早。佢續指，數據顯示日本早前已開始縮表，可見今次行動並非突然。

Lewis又指，美債引伸波幅喺各國央行減加息幅度後，仍未穩定落嚟，預期明年債市會愈來愈波動，又話今年現金及收息工具跑贏大部分資產，認為明年嘅投資策略可保守啲，例如投資美國短期國庫債券(T-bills)，幾個月內就可以連本收返3至4厘息。