【Now財經台】今個星期市場焦點落喺美國今晚出爐嘅通脹數據，將會點樣左右聯儲局加息決定，近日市場對聯儲局嘅加息預期再度升溫，不過，如果局方進一步加息，又擔心經濟衰退，今晚公布嘅通脹數據係咪仍然相當關鍵？
「股市漁夫」創辦人莊志雄指，今晚出爐嘅通脹數據仍然十分關鍵，根據以往經驗，若消費物價指數(CPI)曾高過8%，通脹要落返去2%水平，需時數以年計，平均需要10年，最快都要7年，美國通脹去年曾飆升至8%樓上，因此，如無意外，聯儲局要見到通脹明顯回落先會開始做嘢，據最新利率期貨顯示，下個月會議將會再加息，之後會維持利率不變，直至年底。
