「請注意頁底重要聲明」
《大時代》教識觀眾「唔使驚，係技術性調整，唔使驚。」呢句金句。唔知今年以嚟，你哋有冇望住個mon講呢句說話呢?
Hi 大家好！我係漁美人。
相信各位漁民如果跟實船長嘅市場氣候嘅話，上面嗰句自我催眠嘅說話，應該好少講。能夠培養出安全感嘅Positive self-talk同盲目嘅自我催眠唔一樣。要做到Positive self-talk，首先對件事有信心。信心背後，源自於自我肯定及認同。而一連串嘅練習所帶來嘅正面成果，正正係增強自我肯定及認同嘅關鍵。
簡單比喻：對一個平日冇跑步嘅人嚟講，如果貿貿然叫佢跑馬拉松，當然冇信心。但當我哋設下目標(42.195公里)， 然後規劃訓練，遁序漸進 (由400米→1.6公里→3公里→5公里→10公里→半馬→全馬) 。只要持之以恆，大部分人都可以做到。問題係你有冇恆心同毅力。至於點樣可以透過訓練，令自己喺投資上唔好俾杏仁核騎刧（Amygdala hijack）呢？
由於每個人面對市場波動時嘅反應唔一樣(有啲人會fight，有啲人會flight) ，而受壓時出現邊個模式，我哋根本冇得揀，因為我哋嘅行為已preset喺大腦內，當面對危險時，我哋個腦會快速地retrieve番過往模式去「保護」我哋 (至於過往嘅投資模式係唔係真係「保護」到漁民們，就要問番你哋喇!
所以重要事情要講三次: 揾出你我他的模式真係好重要。
上篇講到當我哋受到威脅時，我哋嘅情緒往往行喺理性思考之前。到底有冇方法可以令自己可以停一停，諗一諗呢? 或者訓練到自己唔使諗，可以autopilot mode，防止做出對自己不利嘅行為呢?
我有2個方法想同大家分享:
【1】刻意練習(Deliberate Practice) 【2】靜坐(Meditation)
【1】刻意練習(Deliberate Practice)係由佛羅里達州立大學心理學教授Anders Ericsson 提出。Prof. Anders Ericsson 認為大部分人練習時，只集中喺已知部分，而忽略咗訓練自己不足部分。或者有啲人盲目地練習，並冇清楚訂立的目標，所以無論點練習都好，最終只係徒然，因此刻意練習關鍵之一係先訂立目標。刻意練習嘅另一重點係，根據老師嘅feedback，調整後再練習。換言之，有一位好老師好重要。當然加上自省及改進能力，自然事半功倍。
《真‧漁民故事》漁民BB以前唔識止蝕，所以成日輸2、3成，蝕到入肉後，先死死地氣沽咗佢(有部份可能仲未捨得沽添)。
跟咗船長之後，漁民BB開始訂立目標8-10%作止蝕。當然，由於過往嘅pattern已成習慣，當第一次要承認自己睇錯，出手撳制止蝕時，漁民BB好多時仲係唔捨得，所以輸到15%左右先肯投降。但經過多次喺15%成功撳制後，令新pattern取代舊pattern後，漁民BB最終可以慢慢將止蝕調較到10%或更少。原理就好似上面講過嘅馬拉松訓練一樣。
當止蝕習慣成自然。咁下次當個市好波動，出現威脅時，你個腦就好大機會用新練習得來嘅慣性模式去處理。呢個過程長短因人而異，但不變嘅係恆心及努力，連擁有天賦才能嘅人都要以十年計嘅時間先可以成為一位頂尖嘅表演者，我哋呢啲平凡嘅漁民又點可偷懶呢？
“It takes time to become an expert. Even the most gifted performers need a minimum of ten years of intense training before they win international competitions.” Professor K. Anders Ericsson
【2】 靜坐(Meditation)
關於Meditation ，漁美人自問仲係初哥，唔知漁民對此有研究，一齊分享吓？
Thank you and Goodbye all Fishers. XX
Deliberate Practice 參考文章：www.bit.ly/f2_2ae
The Making of an Expert by K. Anders Ericsson , Michael J. Prietula and Edward T. Cokely
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
