勝利瑞柏基金管理合伙人暨投資總監陳建良指，內房股跌得太殘，所以會少啲「淡倉」，加上普遍市場會認為「跌得殘，彈得快」，而港股又平，所以好多人入手。佢話因為恒指較多成分股，所以認為恒指會比科指反彈得較慢，而如果恒指升穿18000點，科指就應該會有起碼4000點。

KL提醒要避開以往較強勢、較多人入市嘅板塊，例如電訊股、銀行股，呢啲之後會較落後，甚至冇得再升，反而之前落後嘅科網股，可能有機會追上可以留意下。

【名家給力場】入市要避開以往較強勢嘅板塊(上)

勝利瑞柏基金管理合伙人暨投資總監陳建良認為，Netflix業績唔算好差，投資者主要留意收入(revenus)及每股盈利(EPS)，對Netflix呢類增長股嚟講已算交到功課。至於集團明年開始唔再公布每月每戶平均收入(ARPU)及subscription number等數據，相信係預期呢兩個數據增長未必太勁，主要同全球化及唔同地方有唔同定價有關。

KL又指，雖然Netflix係美國streaming TV龍頭，但唔係冇競爭，長遠而言，增長係咪可以持續？佢認為，Netflix收入增長會放慢，反而專注喺cost cutting。

至於「科技7雄」(Magnificent 7)餘下6家公司會陸續出業績，佢相信都會係好壞參半，市場應該唔會只反映中東局勢，仲會包括之前爆炒嘅人工智能(AI)相關企業嘅業績係咪交到貨，以及美國聯儲局會唔會掉頭加息，估計美股後市都係傾向向下Chock。

【名家給力場】KL:Netflix 收入增長會放慢 (上)

「股市漁夫」創辦人莊志雄估計，隨著美國政府嘅國債負擔愈來愈重，加上中東局勢緊張，聯儲局今年或會減息1次，但指減息後通脹可能更不受控。

Lewis指出，過去6個月受訪基金經理普遍對美國債市、股市前景比較樂觀，所以大幅減少手頭現金，並大量買入包括股票、長債等長期資產(long-duration assets)。佢引述美銀4月調查指，基金經理嘅股票配置繼續上升，而目前現金僅佔基金經理管理資產4%。

Lewis續指，環球通脹開始見底回升，市場對減息次數嘅預期愈縮愈少，經理就有壓力減倉提高現金水平，到時美股有機會調整至少1個月。

【名家給力場】小心美股減倉潮沽壓(上)

「股市漁夫」創辦人莊志雄指，減息預期暫時影響唔到股市，因為聯儲局官員經常出嚟發表言論，令市場有個錯誤預期，以為今年真係會減息，佢提醒，要留意聯儲局會唔會唔理通脹，6月就開始減息。

Lewis又認為，當市場估計聯儲局冇誠意減息遏通脹，就會諗有咩可以對沖通脹，因為股市估值貴，推高估值反而不利投資者，所以唔會從估值方面入手，反而睇返3月會發現減息預期降溫，壓制咗債價及科技股，唯獨商品相關工具做得好，所以佢提醒，資產配置一定要有商品類，因為商品喺投資組合中最不受通脹影響。

【名家給力場】資產配置一定要有商品(上)

勝利瑞柏基金管理合伙人暨投資總監陳建良指，今年1月股市「窒息」，流動性不足，尤其係藍籌表現認真麻麻。依家流動性恢復返，公司多咗現金，派息及回購能力亦都高咗。對比2015至2016年，最大分別係地緣政治，當時冇咁複雜，美國總統奧巴馬(Barack Obama)同中國關係良好，加上內房危機影響財富效應，對A股及港股都有影響，係需時復原，依家全球利率亦比當時高，呢3個因素會壓低估值，令公司健康咗之餘，估值又冇之前咁高，所以呢段時間會有一啲股份進入復甦階段，而另一啲就會持續反覆，經濟層面會分化，所以個市唔會一面倒或全面上升。

【名家給力場】中資股步入復甦期？(上)

「股市漁夫」創辦人莊志雄指，議息結果公布前，好多人諗住日央行會加息，或者已經結束超寬鬆貨幣政策，所以可能好多盤等緊Long Yen，但有時事情發生後，唔係跟住大衆意願去行，例如英偉達(Nvidia)峰會都有類似情況，股價喺峰會後升唔到，最重要日央行行長植田和男嘅言論，市場解讀為「鴿派地加息」，而Yen嘅反應顯示，市場質疑日央行嘅做法控唔控制到通脹，所以Yen就不升反跌。

Lewis續指，植田已講明會保留大量靈活性，保持寬鬆政策，亦表明冇緊急加息嘅必要，可能佢認為通脹會持續回落。市場反應方面，即使今次係萬眾期待，但今次加息仍然唔係全票通過，所以兩年期利率都見頂回落，10年期利率更誇張，知道日央行放棄孳息曲線控制(YCC)政策後，亦指會保留大量彈性，可以隨時再買長債，見到長債息回套返最近一半升幅，所以日圓有咁嘅反應係正常，因為日央行都講明會再買返債，似乎唔係正式結束超寬鬆貨幣政策。

【名家給力場】日本加息後Yen不升反跌係正常(上)

於「美股貴港股廢」「港股已死」「金融中心遺址」等已深入民心既今日，講親港股幾乎都犯了原罪一樣。然而，投資從來不應該「口號化」「情緒化」。亦可能唔太多人知道，恆指服務公司有篇制一個「恆生航運指數」，成立日比科指更早。下圖可見，相關指數自成立以來，遠遠拋離新聞報價機日日報既恆指國指科指，有乜成份股自己可以查下。而成份股走勢迴異，有一沉不起，亦有龍精虎猛步步高。背後有何因素推動？中國作為世界工廠、原材料與能源入口大國，你可以唔喜歡港股，但全球性投資者，好似並無當佢隱形，只係投資緊大家平常無睇開既野。

網購按個鈕輕鬆簡單，但輕按一下，不論原材料與貨品物流，則以驚人速度在背後發生。全球貿易超過95%來自海路運輸物流，出現任何瓶頸的話，全球貿易敢說即時停頓，連全球最多輪船登記既巴拿馬總統有交情，可能都無乜用。 同樣貿易稍降亦即可令航運業飛墮，屬極敏感週期性行業。全球航運業近年經歷幾次運費高升急挫，包括Covid全球物流緊張，去全球化供應鏈變陣、與地緣緊張導致繞道。運費其實遠未到頂，但過去一年多，不少航運股的升幅已不低於「納指七壯士」。本課程會探討集裝箱、乾散貨及運油運氣輪公司板塊的新局勢與投資前景，分析不同公司特色，探討當中機會與風險，並可獲得CPT證書。

「股市漁夫」創辦人莊志雄指，美國上周出咗消費信心等數據後，由於表現普遍差過預期，如果「花旗經濟驚喜指數」升就代表經濟數據好過預期，相反，指數向下就反映整體數據差過預期，由於去年第4季數據差過預期，市場認為通脹有機會回落，所以就炒減息，但到今年數據好過預期，尤其2月嘅通脹數據，市場就唔再炒「金髮女孩經濟」，似乎係一個唔錯嘅局面，但2月中之後經濟數據又轉差，有可能市場再炒減息推高個市，但要留意未來一至兩周出爐嘅數據，因為...

【名家給力場】美股翻炒減息？(上)

佢又話，債市亦出現異常，上周五(2日)至周一兩日內，美國10年期債息突然抽高近30點子，對上一次升咁多已經係2022年3月，當時聯儲局開始加息。

Lewis續指，同ISM服務業商業價格指數喺過去1個月抽升有關，而服務業喺當地消費物價指數(CPI)嘅佔比最重，美債息急升或反映債市投資者預期，上半年通脹隨時不跌反升，並對主流嘅減息預期有所警惕

【名家給力場】債息突抽高對美股有啟示？(上)

「股市漁夫」創辦人莊志雄指，最近多咗人講要「擁抱泡沫」，市場依家等緊聯儲局議息聲明，上次議息聲明出爐後，美股就升咗一大浸，其中，標指升咗20%，相信好多人「擁抱泡沫」嘅想法就係預期聯儲局再「放鴿」，推高指數，但唔知今次有冇上次咁勁。

Lewis以用之前泡沫時期表現製作嘅納指拼圖為例，用納指1999至2000年升勢同2023至2024年比較，pattern上相似，但幅度唔同，上次升得急啲，今次嘅形態相似，但幅度就冇咁大。睇返拼圖嘅軌跡，時間點會到3月初，屆時要留意幾點，包括聯儲局之前為咗救中小銀行，推出短期融資計劃係咪真正完結，因為市場似乎唔信會完結，所以會繼續炒，因此，相信納指3月唔會見頂回落，其次係聯儲局想繼續「放鴿」，就要睇通脹係咪持續回落，亦係影響今年可唔可以減息5次嘅變數。

至於係唔係泡沫，除咗可以睇估值，都可以睇最大嘅公司係美股市場佔比有幾大。1929年及2000年嘅泡沫都出現最大市值10%嘅股票佔股市比重約73至75%，而目前情況就係佔約74%，用呢個角度衡量就喺泡沫。因為正常唔會認為前10%股票會佔市場90%，而10%股票佔市值約70%已經係好誇張嘅數字。除此之外都要睇下有無基本面支持，例如……

【名家給力場】美股已出現泡沫？(上)

KL分析本地銀行嘅內地及香港房地產風險佔比，指出大部分銀行嘅風險集中喺三方面，包括借俾發展商嘅貸款、為商業物業做嘅槓桿(gearing)、本地住宅按揭。當前高息口環境加上本港經濟麻麻，令銀行借貸時要承受更大壓力，而本地銀行板塊嘅股價尚未完全反映呢個負面因素。

KL認為，今年應該避開投資本地銀行股，並指市場誤以為之前港美息差擴闊，有助推升本地借貸需求，但而家經濟轉差，銀行反而需要為不良貸款嘅潛在損失做減值撥備(provision)，繼而對今年度嘅財務表現有負面影響。

【名家給力場】2024年忌沾手本地銀行股(上)