「請注意頁底重要聲明」
如果我話有研究發現人腦內不同部份，可以好似身體嘅肌肉咁，透過後天訓練而改造，你信唔信？
Hi大家好！我係漁美人。
前美國麻州綜合醫院及哈佛醫學院研究員- Ms. Britta K. Hölzel同科學家團隊邀請咗一班人進行為期8星期嘅Mindfulness-Based Stress Reduction Program，參加者喺Program前後，都會進行大腦MRI。研究期間，佢哋每日平均用27分鐘做mindfulness practice (漁美人認為同Meditation大致相通)。 最後發現，喺8星期後，硬件上:參加者大腦杏仁核內嘅灰質(gray matter)顯著減少，粒杏仁核縮細咗；軟件上: 參加者表示壓力顯著舒緩咗。
換言之，即使腦囟已經閂埋咗嘅我哋，只要經過訓練，腦內不同嘅部分，仍然有可塑性（plasticity），係可以透過後天訓練而改造。
仲記唔記得杏仁核係負責處理焦慮/恐懼情緒，同我哋「戰鬥或逃跑」反應息息相關嘅一個部份？
Ms. Britta K. Hölzel嘅研究可能幫手解釋到點解啲人成日話Meditation可以令自己平靜啲，冇咁易衝動。杏仁核細咗，減輕咗焦慮感(1)，咁當我哋面對危險時，相對感覺會安全嘅冇咁驚，作出嘅反應亦唔會過激。因此，我哋就可以盡量減低被杏仁核騎劫嘅機會，從而避免做出對自己不利嘅決定。
如果你仲未諗得通了解你我他的模式、安全感、杏仁核、刻意練習及Mediation同投資捉魚有咩關係，呢本書或者可以幫到你😉 : Trade Mindfully: Achieve your Optimum Trading Performance with Mindfulness and Cutting‐Edge Psychology, Dr Gary Dayton.
最後，我哋永遠無辦法控制外在嘅環境或他人；我哋只可以控制自己點樣處理及面對。喺十年難得一遇嘅Buy the Dip機會來臨前，你心理上及生理上準備好未？
祝各位晚晚都sleep like a baby.
Thank you and goodbye all Fishers XX.
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
