「請注意頁底重要聲明」
【漁民系列】再談黃金
各國央行不斷放水，美國及日本更以”whatever it takes”嘅決心，破天荒開啟QE Infinity，為救經濟不惜一切。
回顧番二月底文樂第一次於【漁民系列】分享過，有關支持黃金嘅基本因素︰
1）內含貨幣角色，千古不變，且每年供應增長率與人口增長同步，大約兩個percent。(本周博士嘅【市場氣候】亦有指出，近年黃金開採量維持於偏低水平)
2）世界各國不斷增加貨幣供應，情況愈催嚴重，相信至少3-5年不變。
3）RISK OFF 工具 ，亦都係2018年第四季至今上升的主因。
以上3個因素，對金價長期走勢息息相關。猶以因素 (2) 嘅變速 (rate of change) 最為關鍵。
最近不少投資者都將今次危機同1930年代嘅大蕭條作比較，當中確實有不少相同之處。如崩盤前10年以過份借貸堆砌嘅繁榮、貿易壁壘、不惜一切嘅救市方式等等。建議大家搵相關資料睇睇，有助借古鑑今。較簡短嘅敍述可以睇睇以下網頁。https://fee.org/articles/what-caused-the-great-depression/
文樂嘗試查找當時嘅金價走勢，發現不適合以圖表作出比對，但有必要提及金價於1834年起基於 The Coinage Act 定價$20.65/oz 長達100年，最後竟於1932年因市場對美元以至整個金融體制失去信心，金價衝破法定價格至$26.33/oz。要打破100年嘅體制，當中嘅力度相信係非常之猛烈。亦導致羅斯福總統於之後兩年出台限金令禁止持有黃金並重新對黃金定價$35.00/oz。兩年光景，美元對黃金購買力下跌7成以上，究竟近100年後嘅今日會否歷史重演呢？
再對比一下2008年11月底FED 宣佈QE1前後嘅金價走勢。金價於11月起維持向上趨勢，但要留意每次當S&P500出現較明顯跌幅時，金價亦會出現回調，而每次跌幅均可達10%或以上。
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
