「請注意頁底重要聲明」
機艙服務員正為你指示最近嘅逃生出口位置(下)
當我寫完呢篇文時，睇到 #漁EC 發夢蕩失路，從而帶出佢細細個遇過火災，被大哥救出火塲嘅故事。感覺同我篇文嘅標題「逃生出口位置」不謀而合，世事真係好神奇！😇
Hi大家好！我係漁美人。
#漁太公 喺《領展失防守性功能》結尾話: 作為投資者，無論你接納邊間大行觀點或目標價，投資前都要有一個execution plan，定好止蝕位並嚴格執行，以保證在風高浪急的情況下安坐釣魚船。
港股星期五大跌市，除了提醒各位長短倉嘅重要性外，唔知各位漁民有冇根據規劃好嘅逃生路線做好execution呢?
第一次留意中海物業(2669.HK)，係船長喺2020年3月3日嘅風中勁草+當頭起功能解說短片內，提過佢嘅pattern，因此令我有所啟發，揀咗呢隻股票嚟寫首次同大家見面嘅《尋找你我他的模式》。因為咁有緣份，所以我一路都有留意吓佢。
呢隻被船長形容為升勢穩定嘅中海物業(2669.HK)，3月初至4月一路都升得好靚。4月下旬，我寫緊《機艙服務員正為你指示最近嘅逃生出口位置(上)》時，問過船長呢隻股票止蝕位要set 喺邊，佢笑住話:「止賺😁」。
哈! 寫到呢度，我相信好多人一定會以為我講嘅逃生出口一定等於止蝕。就正如當初有好多人認為做tail hedge等於睇淡一樣。但其實我指嘅逃生出口係指止蝕及止賺位。即使買啱股票，如果無喺適當時候take profit，最於都可能只係發咗場夢，紙上富貴，係咪?
既然大家唔鍾意喺升市時諗定逃生出口路線，咁就由我唱唱獨腳戲，講吓我對中海物業(2669.HK) 止賺/止蝕位嘅睇法。
重温一下中海物業(2669.HK)嘅pattern：
每升完一輪後，form一個好長嘅橫行期，形成一條好長嘅成交量密集區。當脫離一個成交量密集區後，就會升到另一個台階，再form過。如此類推。
呢個走勢雖然喺3月中世界大亂時打亂咗，但喺4月中至5月初開始重拾形態，form 咗個小平台後，5月8日升到另一個台階。5月20日，船長喺年繳用戶fb同漁民講咗個 #小道消息 : Clubhouse廚師都話要投資物管股，聰明的漁民都知呢個係反向指標。
以#漁美人 提過有關中海物業(2669.HK)後嘅首個交易日收市價($5.85)，至船長出小道消息翌日收市價($8.45)計，呢隻股票升咗44%。雖然無 #漁醫師 隻Novacyt喺2個月內升13倍咁勁，不過我認為適合無乜安全感又容易焦慮嘅漁民，打漁啫，吓吓攪到失眠就唔好。
喺中海物業(2669.HK)一年圖嘅蟹貨區睇到，$8.1-$8.2左右嘅蟹貨區以下冇乜貨頂住。下次嘅逃生出口，你又會放喺邊呢?
飛機有排都未有得搭。即使有得搭，機票都可能不合理地貴。希望大家成為漁民後，除咗學識打漁外，未來搭飛機時，亦識得揾定最近嘅逃生出口啦。😉
Thank you and Goodbye all Fishers.XX
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
