「請注意頁底重要聲明」
美國有班炒股初哥羅賓漢現在被困孤島(慘慘)，西班牙嗰邊都有羅賓漢，不過人哋就醒啲，知道財不入急門，所以用咗5個月學習及預備先行動。佢哋一行8人，由幕後主腦Professor做指揮，喺2017年佔領咗西班牙皇家鑄幣局11日，目標係印製並拎走約24億歐羅現金。
Hi! 大家好! 我係漁美人😉
如果你哋有申請Netflix又鍾意睇西劇嘅話，可能知我講緊嘅係La Casa de papel /Money Heist/紙房子 Part 1 及2嘅劇情。雖然呢套神劇以家已上到Season 4，但我最近先開始睇，唔知有冇漁民同我一樣留意呢套劇呢？
紙房子嘅羅賓漢，策劃呢場佔領西班牙皇家鑄幣局嘅動機係睇唔過眼歐美央行喺2008年金融海嘯後，聲稱印銀紙(QE, Quantitative Easing)可以救市，但冇實質地改善經濟不特止，仲令低層嘅無產階級無法受惠，最終貧富懸殊越嚟越嚴重。
Professor話:In 2011, the European Central Bank made €171 billion out of nowhere. Just like we’re doing. Only bigger. ……Do you know where all that money went? To the banks. Directly from the factory to the pockets of the rich. Did anyone call the European Central Bank a thief? No. ‘Liquidity injections,’ they called it. And they pulled it out of nowhere. I’m making a liquidity injection, but not for the banks. I’m making it here, in the real economy. (譯: 2011年歐洲中央銀行，印製1710億歐元，完全無中生有，就和我們做的一樣，只是數額較大。……妳知道這些錢都去哪了嗎？去了各大銀行，直接由印鈔廠走入有錢人的口袋裡。有人說過，歐洲中央銀行是小偷嗎？没有！他們說這是為市場注入流動性，而他們的錢是無中生有的。我在為經濟提供流動性，但不是為了銀行家，而是為了實體經濟。)
至於QE係乜?2020年嘅QE同2008年嘅QE有咩唔同? 詳情請參閱船長嘅【超級大轉移之QE變MMT】
呢度quote少少俾大家睇:
央行直接向經濟注入資金，通過QE製造「新」資金，企圖製造財富效應去刺激經濟……問題是，這只是政府一廂情願。因為好多有能力向銀行借貸的有錢佬……佢哋借錢並冇用來搞好盤生意、創造就業帶動經濟運轉，反而蜂擁投向較穩陣的投資例如債券，部分國債由於係政府購買目標，呢班人更提前買入再等政府收購……搞到債券也出現負孳息（negative yield）；美國公司就借錢回購谷高股價……亦因此，富豪個個用槓桿買債，肥到着唔到襪；低層則完全受惠唔到QE，面對物價卻愈來愈貴，生活水平下降。所以QE實際上激化咗全球的貧富懸殊情況。
講番套劇，喺佔領期間，西班牙羅賓漢透過網上平台向外宣揚佢哋嘅目的及動機，令唔少民眾開始支持佢哋，反對政府及警方。戲如人生、人生如戲，如果連西班牙編劇及導演都知道QE唔掂，要用呢個題材拍劇，仲要引起咁多人共鳴及迴響 ，作為投資捉魚嘅漁民又點可以掉以輕心?
Goodbye and thank you all Fishers. XX
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
