#慳妹空姐：3188同安碩A50今個星期再升呀。我早咗平倉，賺少好多🥺。你又寫咗我個trade出嚟，講到好威咁，今次一定俾其他漁民笑死啦！😭
#漁美人：點會呢？人人投資目標唔同。呢個世界又冇水晶球🔮嘅，你個trade 已到達你預期嘅回報，你賺到錢又賺到經驗。如果無私地分享都有人笑你，咁你都唔使care呢啲人啦。
慳妹空妹：但係賺少咗我自己都好唔開心，好肉痛。
漁美人：我明嘅。不過你當時做嘅決定好合符人性呀。我哋好多時基於期望值去做選擇。因為你i)期望3188升至$60及安碩A50升至$19比ii)期望3188升到$61及安碩A50升至$19.5高，所以理性上，你會揀喺情況i 出現時就平倉。
另外，根據2002年諾貝爾經濟學獎得主Daniel Kahneman 及佢長期合作伙伴Dr. Amos Tversky 提出嘅 Prospect Theory(展望理論)：
1. 人對「得與失」嘅偏好相反；喺面對「失」時，樂於冒險；面對「得」時，反而迴避風險。例如：有2個賭局：i) 確定輸$880；ii) 有90%機會輸$1000。心理實驗發現選擇ii嘅人較多，表示即使有機會「失」多啲，但大部分人都願意冒險搏一搏。
2.一般人唔鍾意風險，因此會偏好確定嘅選擇。例如：有2個賭局：i) 90 % 得到 $1000， 10% 得到 $200；ii) 確定得到$910 。實驗發現大部分人選擇賭局ii。
3.人對於「得與失」嘅感受判斷係一種相對概念。當收入增加時，一般人會渴望得到更高的收入，於是不滿足感與日俱增。呢種現象亦常會因為對件事嘅描述/表達方式不同，而作出不同選擇。例如：i)我以少搏大賺咗3年漁夫系統年費呀😊ii)我賺少咗3年漁夫系統年費呀！🥺。客觀事實係，同樣賺咗3萬蚊，但i 將焦點放在「得」上；而ii將焦點放在「失」上。
所以你做嘅平倉決定，以及賺少咗嘅感覺都好合理。
慳妹空妹：你咁講我都舒服啲。因為感覺上唔係因為我蠢先至賺少咗錢。
漁美人：賺到錢都叫蠢，咁輸錢嗰啲叫咩呀？（唔好咁串喎😅）下次如果你繼續睇好，可以喺平倉後，將部份錢買番遠期少少嘅搏再升。咁就可以鎖定部分利潤。有profit 落咗袋之餘，同時可以再以少搏大2.0，一舉兩得! 我之前有寫過《唔係升，就係跌嘅Trading Strategy》，賺多或賺少都係happy problem啫。你得閒重温番啦! 😊
Thank you and have a good weekend all Fishers xx
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2020-12-05
