大家好，我係漁三式😄
我Follow咗Doctor已好幾年，兩年前決定加入股市漁夫，學習股海捕魚🐟
喺寫點樣用股市漁夫之前，會先列出我的「三個怕」，而我選用股市漁夫，正正係要針對呢「三個怕」：
- 怕複雜，流程一定要簡單直接先可以日日跟着做。
- 怕輸大錢，我嘅條件係止蝕位唔可以Set太遠，俾我計好數先入場；就算唔好彩真係跌到止蝕位，都有個電郵通知我做風險管理，唔使成日心掛掛望住個市。
- 怕困身，日常9百幾樣野做，希望可以快捷地用部iPad掃吓㩒下，就做到決定，慳返啲時間做其他嘢。
要克服我呢「三個怕」，股市漁夫呢個工具就堅係幫到手。每個交易日我都會用系統做功課，主要有以下三個步驟：
1-觀察大市狀況
2-篩選值博強勢股
3-檢視自己持倉，汰弱留強
觀察大市狀況
首先看會員主頁，若然主頁嘅大市值突破股近期數目偏多，代表中短線機會增加。
長線市寬一浪高於一浪，而中線市寬50天線股份比率上升，並處於50%強弱分界之上，代表整體大市維持強勢，喺呢種市況較為容易搵到強勢股份。
我日常唔夠時間，主要睇呢幾個icon同埋集中睇有破訊號嘅股份。
先按「板塊亮點」，例如近排越來越多金融股份跑贏恒指，就會先喺跑贏嘅板塊中尋寶。
再用以小博大+風中勁草/當頭起功能，用唔同嘅篩選方式搵最值博嘅股份。例如能量四至五格， 20日能量計係50%以上；揀最早出破嘅高能量股；若氣氛旺盛， beta系數高嘅股份可能更值得留意。
最後望吓漁夫圖中三個指標、蟹貨區位置，加埋睇訊號往績做判斷。
汰弱留強
經驗話俾我知，市場唔會日日都順風順水，如果天氣不似預期，揀嘅股份表現唔理想，或者走勢有變，就需要入股市掃描搵返已儲存在我的組合的名單。我會先用技術分析Tab，睇吓邊啲持股已經率先跌穿平均線，最弱嘅會先執行止賺或者止蝕。
另外，每個星期我都會睇莊博嘅市場氣候及一周回顧，然後調節自己個資產配置，目的係保持心態同埋資產嘅平衡，避免市場波動令自己太過情緒化，減少做咗錯誤嘅決定。
希望以上嘅分享，能夠令一些新加入嘅成員，快啲上手🙏🙏
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2021-01-14
