過去一個星期股市風高浪急，唔知各位有冇新領悟呢？我就回想起2020年8月同船長及KL分享認為做「真‧漁民」嘅特質，今日同大家分享一下。
Hi ! 大家好! 我係 #漁美人😉
投資係一門大學問，唔同漁民有自己一套揀股心得及出入市技巧，各位可以透過漁民系列 : http://bit.ly/smm21-1-2 參考吓唔同性格嘅漁民點樣利用漁夫系統配合船長嘅教學，揾出一套適合自己嘅方法。
新加入嘅漁民未必有時間追睇番晒所有文章，我幫忙recap一下。除咗投資技巧外，船長經常提醒漁民要了解自己及保持心態平衡。投資決定大部份同心理質數有關，點解要有Plan ABCDE，除左因為Don’t put all your eggs in one basket (不要將所有的雞蛋都放在一個籃子裡)外，都係為咗幫漁民保持心態平衡，免得荷包大上大落影響判斷。
舊年8月，我諗到Fisher呢個字，可以引申創作成為以下真‧漁民嘅特質:
Fit (Physically and Mentally) 健康 (身體及精神層面)
“Without mental health there can be no true physical health” , Dr Brock Chisholm, the first Director-General of the World Health Organization。我認同第一屆世界衛生組織總幹事Dr. Brock Chisholm:「没有精神健康，便没有真正的身體健康」呢句話。我係一個較spiritual嘅人，所以我相信心身靈息息相關。回想一下，當你瞓得唔好，隔日係咪冇精神，成個人又好似重重咁。至於因為咩事瞓得唔好呢? 可能係因為前晚帶住情緒入眠，影響睡眠質素。呢個cycle可能没完没了。
Independent 獨立
船長係分析員，系統係工具，兩者都係輔助你喺投資路上揾出值摶率較高嘅機會，最終決策人係你自己。我個人認為獨立投資思考要靠經驗累積(當中有血有淚)。 入市問人，止蝕又問人，每個trade 都要問人，你可能已錯過最好嘅時機。我唔係叫你哋停止互相學習討論呀，我都好鍾意睇你哋嘅posts 😊。
Serious 認真
做事時認真，玩樂時也認真。認真做事時，係最接近活在當下的時刻。人類好鍾意回想過去，也喜歡展望將來，無奈過去冇得改變，將來也不能預測。訂咗系統後好好學習，睇市場氣候時專心睇。有付出嘅收獲才能帶來長久的滿足感及成功感。各位共勉之。
你哋估唔估到其餘嘅H 、E、 R代表咩? 同我分享吓? 下回分解!
Goodbye and thank you all Fishers XX
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2021-01-30
