同大家見面，先同大家拜年!恭喜發財! 祝大家身體健康!心想事成!
We are Fishers 真‧漁民 (上)
http://bit.ly/smm21-2-1 講到Fisher中的F指FIT ，I指Independent，S指Serious。咁到底其餘嘅 H、E、R，可以引申到乜嘢漁民特質呢?
Hi! 大家好! 我係漁美人😉
宜家開估:
Humble 謙虛
做人謙虛，投資也謙虛。香港人新年活動之一，少不了打牌，唔知各位發咗新年財未呢? 舊年漁民字D借嚦咕嚦咕新年財寫咗篇文章，提醒我「人品好，牌品自然好」呢句經典對白及看似簡單的做人道理。將同樣道理放喺投資上，我覺得好合適。面對住大戶莊家，我只係一介小漁民，可以借系統做到trend following，有望早日提早上岸已經好幸運。
Execution 執行
Quote番我之前寫嘅安全感的訓練(中)提到嘅刻意練習(Deliberate Practice)
佛羅里達州立大學心理學教授Anders Ericsson : It takes time to become an expert. Even the most gifted performers need a minimum of ten years of intense training before they win international competitions.
Prof. Anders Ericsson 認為大部分人練習時，只集中喺已知部分，而忽略咗訓練自己不足部分。或者有啲人盲目地練習，並冇清楚訂立的目標，所以無論點練習都好，最終只係徒然，因此刻意練習關鍵之一係先訂立目標。
《真‧漁民故事》漁民BB以前唔識止蝕，所以成日輸2、3成，蝕到入肉後，先死死地氣沽咗佢(有部份可能仲未捨得沽添)。跟咗船長之後，漁民BB開始訂立目標8-10%作止蝕。當然，由於過往嘅pattern已成習慣，當第一次要承認自己睇錯，出手撳制止蝕時，漁民BB好多時仲係唔捨得，所以輸到15%左右先肯投降。但經過多次喺15%成功撳制，令新pattern取代舊pattern後，漁民BB最終可以慢慢將止蝕調較到10%或更少。當止蝕習慣成自然。咁下次當個市好波動，出現威脅時，你個腦就好大機會用新練習得來嘅慣性模式去處理。呢個過程長短因人而異，但不變嘅係恆心及努力，連擁有天賦才能嘅人都要以十年計嘅時間先可以成為一位頂尖嘅表演者，我哋呢啲平凡嘅漁民又點可偷懶呢？
有恆心及努力地執行引申到以下Repeat (重覆)呢個特質
Repeat 重覆
我同意漁思喺漁民系列中所講：建立一個repeatable process來增加成功機會，目標係細水長流，或者長做長有。 所謂repeatable process ，類似以前做實驗，先有想法及假設，跟住驗證真假。如果驗證結果跟當初假設有出入，就要reject最初假設去執行止蝕，至少都要重新檢視當初假設有無問題，以上做法可幫助理順邏輯因果關係。
最後，總括一下我將Fisher呢個字，創作成為以下真‧漁民嘅特質:
Fit (Physically and Mentally) 健康 (身體及精神層面)
Independent 獨立
Serious 認真
Humble 謙虛
Execution 執行
Repeat 重覆
千里之行 始於足下。各位共勉之。
Thank you and Kung Hei Fat Choi ! Fishers 😉
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2021-02-21
