對上一次用文字同大家見面係半年前！好彩早2個星期問大家記唔記得我時，大部份人都（被迫）話好掛住我啫🥰~ 疫情關係，個個都冇得去旅行，咁到底我去咗邊呢？
Hi 大家好！我係 #漁美人😉
事緣我早喺以文字會漁民前，已開始full-time 番工+ part-time 讀書嘅生活。因為想快啲畢業，所以今年加快速度讀多科，因而閉關了好一陣子。
7月初收到晒成績後，總算確認順利畢業！讀6科有3科A ，我都喜出望外。驀然回首，最感恩係遇到好老師們肯解答我問題；又有家人及朋友喺我温書温到想喊時聽我呻、陪我玩 。眨吓眼，另一個人生成就咁解鎖咗🔓。老土地講，自我增值，從來都唔會令人後悔。
講開成就解鎖，今次想同大家分享吓我喺投資方面嘅小小成就: 喺風高浪急時，擁有一個零成本嘅倉。
第3季開局以嚟，風高浪急，好多投資者應該感受到被左一巴右一巴。成手蟹貨嘅更加可能食唔安坐唔落瞓唔著。可幸地，成為漁民後，我已逐步跟船長學習平衡風險，令自己個倉唔會側埋一邊，所以即使要兼顧讀書冇太多時間管理都唔怕。再加上學識1) 分批買入賣出 2)逆向思維，因此喺呢個時勢，我個倉都相對穏定。以下同大家分享吓零成本美股嘅經驗 – TSLA。
我係因為船長嘅關係而認識Elon Musk嘅。閒談間，船長間唔中都會提到呢位佢口中嘅天才。2014年，我小試牛刀買咗Musk旗下嘅Tesla (TSLA ) 同SolarCity (SCTY) – (2016年TSLA收購SCTY ，因此SCTY股份轉為TSLA 股份發放俾SCTY投資者)
本來我TSLA嘅買入價約US$270，但因為計埋SCTY轉為TSLA的股份而將平均價拉高到US$360。呢隻船長口中嘅發夢股，我足足坐咗約5年先等到佢開始發夢，而呢個夢一發就一發不可收拾。
- 2019年尾: TSLA終於番到家鄉，所以我當時放咗一半。
- 2020年2-4月:肺炎正鬧得熱騰騰之際，TSLA繼續升。因為已升超過我買入成本嘅一倍，所以我再減持一半。>> 呢個時候我嘅倉已零成本<<
- 2020年7-8月(股份分拆前) : 我唔肯定分拆後會發生咩事，所以我就放晒所有持股，順便取消埋當時嘅化石美股證券戶口，全面投入另一間券商懷抱。
換著以前年少無知嘅我，喺2019年尾TSLA 番家鄉時應該會好心急沽晒所有貨，但係以家識得分批放。又或者，喺2020年中Robinhood 羅賓漢興起時，因為「貪」而追入TSLA。好彩因為一直有聽住船長嘅市場氣候+一週回顧，令自己頭腦清醒啲，唔會俾羅賓漢首領嘅“Stocks only go up” 引誘到。
因為有以上嘅成功經驗，所以我以家嘅其他持倉，有部份已做到近零成本，令我可以以平靜嘅心態去加減倉。
政府派發嘅消費券大家用晒未呀？ 喺其他地方用消費券慳咗嘅錢，大家會唔會用嚟自我增值再增值，例如訂購漁夫系統呢？詳情: https://bit.ly/smm21-7
最後，2個星期後，我又開學了！讀咩科? 有機會再同大家分享～各位漁民，共勉之😉
Goodbye and thank you all Fishers xx
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2021-08-14
