大家好，又是小弟漁網，同大家分享操作上小小經歷。直至5月，今年的市況真的很差，波幅大而且向下為主。無論是港股或者美股，相信一般散戶能夠取到正回報的數量非常非常少，輸錢兼跑輸指數的基金經理比比皆是。但是漁民們如果有參考到莊博同金Sir的分析，相信都不會輸大錢，甚至取到正回報都不太難。
以下落嚟主要同大家分享一下，自己喺呢幾個月學到嘅嘢，自己做錯嘅，點樣修正，點樣攞返屬於自己嘅平衡點。
到了二月中至三月中，真正的挑戰就嚟啦，由於一、二月做得好，自己的心態變得太過放鬆，當香港股票一路落嘅時候，自己加倉加得太急，令自己係最低位嗰幾日唔敢大手博反彈，賺唔到應該賺到嘅。
呢次令自己最深刻嘅體會就係，千祈唔好高估自己嘅能力，認識自己，始終自己先至最知道自己嘅極限喺邊。令我更加明白到，今年無論做好做淡，輕倉上陣，對我來說可能是一個比較適合嘅方法。
三月中至四月初的強勁反彈得唔到太大甜頭，反而令我決心將倉位做細啲，我把握呢段反彈將比較弱嘅長倉平掉，然後再部署美股的淡倉。
其實自己之前跟普通散戶一樣，主要都是做長倉為主，短倉經驗很少，以前用期貨多作短線買賣，比較多用put options。但是今年的情況很不同，加上三月嘅時候再部署 tail hedge已經唔算平，於是我就諗，如果要在今年餘下的時間爭取回報，一係就等跌完先至買，一係就要學識做短倉。前者對自己來講比較消極，所以唔考慮，但是後者自己不夠經驗，咁可以點做呢？
我採取縮小倉位做短倉的方法， 要知道短倉理論上是可以輸無限。莊博亦不斷重複提醒大家，挾淡倉的心理壓力不容易承受，就算你當初做啱方向，啱嘅短倉目標，如果做得太大，挾起上嚟頂唔住止蝕，到頭來都係贏唔到錢。
在短倉的控制上，因為經驗淺的關係，我會控制每隻個股（Mega Cap only) 不多於戶口組合的3%， ETF就可以多啲，去到5%都可以。但是整體淨短倉最多只做到組合的25%，咁樣可以令自己長線坐短倉安心啲，始終在跌市唔使輸，可以贏少少已經好好， 贏住先至可以有心情keep住發掘一下將來嘅領袖股。
最後嘅就係，要記住做tail hedge ，千祈問可以孤寒，今年真係要睇住VIX 條trend line，有需要就加Tail Hedge，因為今次呢個熊市真係唔簡單，盡量睇少啲免費嘅YouTube節目，因為好多專家都未必有莊博嘅熊市經驗可以教到大家。
希望大家今年都可以運用呢個機會，試吓做吓短倉，呢樣嘢係冇人教到你，我見過有啲漁民可以好重短倉都唔驚，有啲就完全唔敢做，你睇住人游水，自己唔落水永遠都唔會識。
我都想鼓勵一下大家，投資邊有出面講到咁容易學識，下下中倍升股嗰啲廣告有幾真？學莊博和金Sir話齋，投資有如馬拉松，所以一定要堅持，要肯試先得，同埋搵到一套係正宗嘅方法，我揾到啦，你呢？
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2022-05-19
