【Now財經台】港股昨日(15日)突一度急瀉逾900點，似乎失咗之前嘅動力，而美股近期表現唔錯，有唔少投資者覺得美股易玩過港股，不過，美國總統大選仲有約3個星期就舉行，呢場大選對後市有咩影響？ 「股市漁夫」創辦人莊志雄指，睇返上半年，美股嘅機會的確比港股多，但踏入8月之後，要揀股能力強先可以喺美股搵啱股，例如熱門股份微軟(Microsoft)及英偉達(Nvidia)，其實已有近8個月及4個月有波幅冇升幅，連呢類科技龍頭股只係反覆上落，反映美股其實唔易玩。 Lewis又話，距離美國總統大選完結唔夠30日，MOVE Index反映嘅債市引伸波幅創新高，意味交易債券嘅投資者擔心大選後，利率波動加劇及債價下跌，而有「恐慌指數」之稱嘅VIX升穿20水平，納指波動指數VXN更高見24水平，但標指就繼續創新高，呢個情況係極少見，過去20年，VIX高過20而大市指數創新高，只係出現過兩次，分別係新冠疫情前及科網股爆破前，要小心留意美股後市會點發展。 https://finance.now.com/analysis/study.php?topicId=3&newsId=886198&c= https://finance.now.com/analysis/study.php?topicId=3&newsId=886199&c=【名家給力場】投資者憂大選後美股會「出事」？(上)
【名家給力場】投資者憂大選後美股會「出事」？(下)
