大家好，我係漁得水，好耐冇同大家見面。

首先祝大家虎年身體健康、投資有道，虎進金來，越撈越有！

金管局公布，2024年到期的一批通脹掛鈎債券iBond （第8批iBond，4246HK），第一個付息日為12月23日，年息將以2厘計算。

金管局今年6月推出第8批通脹掛鈎債券iBond，保底息兩厘，每半年派息一次。統計處上月公布10月份消費物價指數（CPI），整體消費物價按年升1.7%，意味上述iBond回報暫仍跑贏本港通脹。

上星期著名連登紅人「媽咪麵」表示，決定退出港股市場轉投美股，消息一出，即引起迴響，週一港股曾一度反彈至24242點，但後勁無力，今日更跌至低位23155點。聖誕節將至，今年的聖誕鐘，大家會點揀呢?

  【名家給力場】內地教育好難做

【Now財經台】教育股同內房股今日差唔多一樣咁差，用恒生綜合指數股份排列，由今年至今表現最差股份，基本上由內房同教育股包攬晒，另外仲有部分餐飲火鍋股。圖表上面呢啲本港上市的教育股，由今年至今跌幅最高達90%。本來係國內最大上市中小學教育企業的楓葉教育(01317)終於可以公布業績同復牌，8月底止全年勁蝕逾31億人民幣。

勝利瑞柏基金管理合伙人暨投資總監陳建良指，楓葉教育受影響嘅原因，係因為業務的可持續性受到質疑。政策監管底下，令教育界業務模式受影響，原本金字塔式發展策略的盈利被視為不可持續，甚至不允許，所以整個行業盈利風險上升。

佢又指，整個教育界嘅可預見性低咗，基本教育嘅監管令內地教育股的生存以及增長空間大大收窄，所以成個行業板塊表現咁差。

【名家給力場】內地教育好難做（上）

【Now財經台】美國證交會落實監管外國上市公司新規，收緊海外企業審計披露要求，隔晚震散喺美國上市嘅中概股，喺港股上市嘅相關股亦難逃一跌，咁樣跌法係驚啲乜？

勝利瑞柏基金管理合伙人暨投資總監陳建良指，依家喺美國上市嘅中概股有268隻，香港就有41隻，佔整體約5%。中概股喺香港第二上市，對估值一定有影響，因為少咗一批資金雄厚嘅機構投資者，而喺美國嘅估值遠高於香港。

KL又話，本身喺美國上市嘅中概股，做法應該係在港第二上市，然後撤銷美國第一上市地位，最終香港就變成唯一上市，雖然呢啲股分未必即刻撤出美股，但離開應該都會成爲主流。

【名家給力場】美中概股爆逃亡潮？(上)

【Now財經台】今日復牌兼港股跌市元兇之一嘅碧桂園服務(06098)，唔止一開市已插穿配股價53.35元，股價更一度大冧逾16%，低見49.1元，今次係公司半年內第2次抽水，係咪好等錢使？如果碧服股價彈唔起，應該點部署？

勝利瑞柏基金管理合伙人暨投資總監陳建良指，碧服係急需資金，但同股東套現、公司財政冇關，而係好多收購機會。因為内房如有財困，最快手就是賣旗下賣物管公司。雖然公司第2次配股，但睇返最近3宗較大嘅收購，收購估值都幾低，大約係10倍至14倍PE，公司係應該趁依家買平貨，因為當內房解決咗債務問題，一定唔會平賣資產。

KL又指，碧服已經預備約300億人仔做主業發展及併購，佢估計，公司未來半年都會做收購，增長空間亦唔細。KL認為碧服買得過，但唔肯定股價會否如觀眾所希望，回得番去50元俾你買。

【名家給力場】碧服買得過因為...(上)

【Now財經台】在港上市嘅疫苗及相關股，近排都跟住外圍嘅疫苗股跌，應該點評估之前可以受惠，但隨著行業嘅變化及環境唔同咗，喺香港上市嘅疫苗股前景又係點？

【Now財經台】內房股呢兩日彈高，花旗嘅報告預期，內房股仲有10%至15%反彈空間，今輪升勢可能持續到11月，而中央喺六中全會召開前出手維穩，除要求銀行加快審批樓按，人行副行長亦指內房融資逐步回復正常。

勝利瑞柏基金管理合伙人暨投資總監陳建良指，唔少市民攞晒成副身家去買樓，阿爺今次只係派定心丸畀買咗樓嘅市民，但從來冇話過要幫内房墊底，實情係中國恒大(03333)事件，令好多市民對房地產失去信心，未必想再買樓，減少咗地方政府嘅收入，所以中央唔會對內房見死不救。

【名家給力場】阿爺唔會對內房見死不救(上)

Hello…大家好，又係我漁得水，好耐冇出文章。

上星期因颱風關係，放了一個長假期，在家清理雜物時發現了中學時代的照片，我記得當年班上考第一的同學是一位家住離島的女生，她每天要發2小時車程上學。我在好奇心驅使下，研究了她在學習上跟其他同學有什麼分別。究竟她是智力高達130分以上，還是有其他個人之處? 其後我在她身上發現了一個小秘密，就是時間管理，以及對事情的熱衷度及專注力，有助提升事情的完成速度。有研究報告指出，當你專注一件事，每日投入時間，維持5年以上，你將會是那個行業的專家。

同理，股票投資也一樣，亦需要每天做功課、研究，清除一些跌穿150天移動平均線以下的股票(延申文章:)，換入一些轉強的股份，投資者可以由小量資金開始，慢慢累積經驗，增強自信，一路嘗試，慢慢就會找出自己的方向。至於時間管理上，好多人成日話朝早要返工，冇時間睇住個市，所以賺唔到錢，其實都係藉口。以現今的科技，落一個觸發買入/沽出盤只要隔晚set好，幾乎是毫無難度。曾經有人講過，世界上最公平的是每人每天都有24小時，而你又打算怎樣運用自己的時間呢？對此，今日同大家分享5本好書，希望大家一齊努力去管理好2021年餘下的2個半月及未來的黃金十年。

【Now財經台】港股第3季形勢凶險，恒指每個月都刷新年內低位，其實10月開局都下試過一次，連續4個月都係咁，連強勢股如體品股、航運股都碌晒落嚟。港股今季情況會點，區間上落格局？成交又點睇？

勝利瑞柏基金管理合伙人暨投資總監陳建良估計，恒指第4季有90%至95%以上嘅日子，收市價會介乎23000點至25000點，即係會有大量V型及A型出現，而成交預期會偏弱，唔好期望北水會帶嚟好大成交。佢又估計，恒指有機會失守23000點，但時間唔會好長，而要升穿25000點亦有一定難度。