【Now財經台】金價再升穿每盎司2000美元，不過，今年幾次觸及呢個心理關口就見咗短期頂，勝利瑞柏基金管理合伙人暨投資總監陳建良就認為，市場憂慮美元長遠購買力係主要原因，並預期金價年內有望企穩2000美元水平，甚至創新高。 KL分析指，美國聯儲局11月會議紀錄顯示再加息機會唔大後，美元匯價好快回軟，而市場亦憂慮美國長遠遏通脹嘅能力。此外，全球地緣政治局勢緊張，美元長遠購買力不足令央行持有美國國債、美元資產作為外匯儲備嘅功能存疑。 KL又話，留意到全球央行近年加快掃入黃金避險，其中，人民銀行減持美元資產同時，已連續12個月買金，成為全球最大的官方黃金買家。佢認為，在港上市嘅金礦股可看高一線，首選山東黃金(01787)，因為內地金礦股主要以人民幣舉債發展或收購，利息壓力冇美股同業咁高，加上背靠中央政府呢個大客，使公司銷售成本較低。 【名家給力場】港股「淘金」更抵玩？
【Now財經台】面對全球經濟前景不明朗，各類消費及娛樂都有一定壓力，澳門今年9月賭收按年大升4倍，今個月嘅「超級黃金周」中場博彩收入超過疫情前水平，摩根大通認為，長線投資者可以撈底，賭收係咪值得憧憬？ 勝利瑞柏基金管理合伙人暨投資總監陳建良認為，9月賭收的確有增長，但唔能夠同去年同期比較，因為去年仍然係疫情管控期間，雖然賺咗錢，但要留意唔少內地遊客已改變咗去香港旅遊嘅模式，就係唔再以消費為主，相信去澳門玩嘅內地旅客都有相同情況，因此，喺呢個改變下賭收要重返疫前水平會比較困難。 KL又指，部分投行分析仍沿用EV對EBITA去計賭股，但喺依家利率高企下，唔應該咁計，再睇埋債價，金沙中國(01928)及美高梅中國(02282)嘅債券期滿收益率(yield to maturity)約7.9%至9%水平，之前發債時係4%至5%，部分會喺明年到期，唔太可能用4%至5%去再融資，因此，賭股除咗受旅客旅遊模式改變外，亦唔可以低估利息上升水平嘅影響，原因係…【名家給力場】賭股估值要下調因為...
https://youtu.be/eVrIBgyw6ys?si=WXQAKJr2OP9q1JVB
【開市Talk】外間不少投資者從圖表中判斷，現為牛市一期調整，但他不認同，他認為現在為假牛市，港股格局以走區間偏淡為主，恒指年內高位巳見，但低位將會在年底出現。但市場未見有十分強的動力將大市推低，主要要看外圍有沒有其他消息帶動，否則都要慢慢向下。他認為做一些洐生工具可對沖持倉倉位，因現時的橫行格局，有關的引伸波幅較低，故價格也不高，不過，以勝算來看，還是短倉的表現較為理想。 美匯指數年內一度向下假穿100，但昨天升穿105成年內高位。原因是受到油組減產的消息，刺激油價急升近一成，另外，歐美將進入冬季，在現時極端的天氣下，每每夏天越炎熱冬天就會更寒冷，今年歐美熱浪連連，故估計今年的天然氣及石油的使用量，也會大幅提高。 對科技股敏感度較高的納指今年走勢理想，但他預計，科技股的估值相對於增長來說，巳經有點過高。歐洲極度重視私穩的保護，對於美國的科技企業進行一連串的罰款。使美國企業即使生意做得不錯，但也難以產生攏斷的局面，要不放棄歐洲市場，要不放下巨額罰款。 日元在三十年的迷失之下，近年終於迎來通漲，這是日本政府樂見的。但日本在人口結構上，其實沒有改變，所以通漲是成本上升帶來的，不是需求帶來的。而日本早前巳經曾經表示放寬YCC並控制在0.5%區間，但又同時大量購債。他認為這種做法，是有點矛盾的。 傳送門: https://www.youtube.com/live/gonKnJhzJg0?si=7gQJxkj0qg8iXAn2
【Now財經台】阿里巴巴(09988)上季度經調整純利按年升48%，6大業務全面向好，除咗雲業務收入增長較慢外，其餘5大業務都錄得雙位數增長，業績整體好過市場預期，阿里股價今日開市冇耐已升近4%，一度高見97.95元，收市報95.3元，逆市升1%。 不過，勝利瑞柏基金管理合伙人暨投資總監陳建良認為，雖然市場收貨，但投資者要留意，期內收入按年急升，係由於去年同期出現疫情封控令數據受惠於低基數，加上今年上半年復常後，疫情期間被壓抑嘅需求(pent-up demand)帶動銷售增長。 不過，第2季起內地經濟開始掉頭向下，佢估計，年底經濟增長將不及年初，而網上銷售同經濟掛鈎，集團網上購物業務嘅收入增長或顯著收縮。 KL續指，在高息環境下，新股吸引力不再，認為阿里分拆業務獨立上市唔會對股價有好大幫助，加上美國落實對當地企業投資中國高科技領域嘅新限制，一定會影響阿里發展人工智能(AI)或其他涉及高科技嘅業務，預期股價會繼續喺80至100元橫行一段長時間。 【名家給力場】阿里下半年業績有隱憂 https://youtu.be/wgwPJ9CCQaQ?si=NHn1pqrLNKOwvoDZ
