「請注意頁底重要聲明」
【Now財經台】近日市場焦點肯定係內地放寬自由行，最新有消息指，中央已同意將更多城市納入自由行，會率先開放西安及青島，下階段就會擴至哈爾濱等地，但係咪可以刺激到本港零售市道？有大行認為，放寬更多個城市居民來港，似乎係正面消息，但消費力未及一線城市，因為唔少係打卡為主，而本地消費股今日(23日)個別發展，當中以莎莎國際(00178)升得比較靚，昨日(22日)大升逾10%後，今日繼續升，但九龍倉置業(00020)等大商場股及金飾珠寶股就向下，點睇呢個現象及本地消費相關股前景？
勝利瑞柏基金管理合伙人暨投資總監陳建良指，自由行納入更多城市當然係一個正面消息，但更重要係留意內地會唔會開放返一簽多行，因為會增加經濟及商業活動，繼而帶動本港整體經濟活動。
KL又指，開放多2至3個城市自由行，唔足以扭轉整個局面，所以依家唔少投資者都抱wait and see嘅態度，今日升得多嘅莎莎其實已經好耐冇人留意，可能細價啲好炒啲，至於較大隻嘅商場股，就要睇《財政預算案》會唔會有刺激本地消費相關措施，如再派消費券等，因為商場要人流持續增加一段時間先可以加租，因此，佢認為投資者不妨先等一等，如果下星期《財政預算案》有刺激留港措施，其他消費股先會郁。
【名家給力場】買本地消費股等埋預算案
https://youtu.be/hMct4vhC5pQ?si=KAlqpi9aLUw9klX-
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
