「請注意頁底重要聲明」
年輕人Ming仔話，現在香港6成業主已經供滿層樓，再加上M2 持續擴張，就算供求平衡，樓價都冇咩拋售壓力⋯⋯
漁夫認為這個說法有其道理，不過你知唔知道1997年都有5成業主供滿層樓⋯⋯不過，之後連續跌咗六年，由高位計跌6-7成，到2003年先見底！
樓價其實唔係由物業持有者決定，而係由賣樓套現嘅人決定，只要有10-20%業主需要急沽，樓價已經可以大跌。
漁夫2002年買樓嘅時候，業主叫價330萬，我等咗三個月再返去劈價，最後250萬成交，三個月減25%！之後一年所有成交都係300萬樓下。
未來有幾多人長期失業？有冇人投資失利？有冇人要養埋零收入嘅屋企人？有幾多人移民急著要走？有幾多樓無租收？這些業主有冇需要賣樓套現？
中年人志哥話，今年買股買債到都輸到PK，揸樓至少大多數帳面都仲係OK，而08年海嘯時期沽樓者多數買唔番，如今無限QE令現金持續貶值，權衡利弊之下，港人不會輕易沽樓，否則套現買股，最終可能蝕更多，得不償失。
志哥可能唔知道，1997-98年，最初樓價都唔係跌咗好多，恒指當時已經跌了一半，所以好多人1998年趁低吸納買樓上車⋯⋯之後變成負資產，然後再捱十幾年先返到家鄉。
其實係股市通常行先，樓價之後追跌⋯⋯當然歷史唔會簡單地重複，可能今次冇咁差，又可能今次比上次更差？因為有Guns & Germs！
投資只看十幾年歷史實在太短喇，連一個經濟周期都未行完。所以要👀金融歷史，起碼要睇幾個經濟周期，看看各類資產價格嘅表現才可以判斷未來方向。
樓價或許不會大跌，但漁夫認為會跑輸通脹，今年米價已經升了近兩成，樓價追得上嗎？投資物業嘅租金有得加嗎？
By the way，漁民C分享，2月公佈的未償還按揭貸款總額已去到14,524億港元，平均要供27年(遠差過1997年數字)，佔GDP 50%。如果未來美國及香港進入滯脹期，利率回升，這些人有冇壓力沽樓？漁夫曾經在1996-97年比過10.75%按揭利率，真係天方夜譚？
漁夫唔係樓市專家，只係識得打魚。
https://www.hkma.gov.hk/chi/news-and-media/press-releases/2020/03/20200331-5/
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
