「請注意頁底重要聲明」
十幾年前廉航未興起，搭飛機仲算是一件奢侈嘅事。慶幸(或不幸😅)有幾年時間，因工作關係，每年起碼飛近數百小時，因緣際會下與空姐結緣成為密友，所以成日聽聽埋埋唔少有趣故事。
Hi大家好！我係漁美人。
喺share故事之前，有一點想替空姐密友向大眾平反，機艙服務員/空中服務員/空姐嘅首要職責係保障乘客安全，假如各位一路誤會佢地只係空中waitress或waiter，請調整你對呢份職業嘅認知😊。
唔知有幾多漁民同我一樣，上飛機後除咗留意安全示範短片外，會再睇埋seat pocket張安全指示咭呢? 點解要睇? 各位漁民知唔知:
1) 客機緊急降落，有機會降落喺i) 地面(landing) 或 ii)水面(ditching)
2) 客機門內置 a)逃生滑梯(slide) 或 b)可變成救生艇的逃生滑梯(slide/raft)
3) 假如客機緊急ii) ditching，你需要b) slide/raft
4) 不是所有客機門都內置slide/raft
以我當年最常搭嘅double-decker 波音747-400客機為例，上層雖然有2個逃生出口，但由於上層客機門內置嘅係slide，因此遇上ditching時，嗰2個出口係唔用得嘅，乘客只可以走到下層逃生。
當然，緊急疏散時，空姐會指示你邊個出口可以走。用番波音747-400上層乘客做例子，遇上ditching時，如果空姐指示你走落樓下逃生，而你又冇留意safety instruction嘅話，你係咪有機會challenge佢點解唔開上層度門俾你走呢? 🙃
因此，我睇安全指示咭係為咗了解喺唔同scenarios下 : landing或ditching，邊條路可以最安全同最快走到。
漁美人覺得搭飛機同投資一樣，人人出門都想玩得開心，但不幸遇上意外時，可以保住珍貴嘅生命係first priority。正如人人投資都想賺錢，但如果睇錯形勢，保住部份資金 + mental asset先係first priority。留得青山在嘛。
喺《尋找你我他的模式 》我提過中海物業(2669.HK)嘅pattern?今日拎番出嚟睇嘅話，你會將呢隻股票嘅「逃生出口」放喺邊呢? 下回分解。
Thank you and Goodbye all Fishers. XX
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
