「請注意頁底重要聲明」
【苦主系列】高位追入騰訊，如何解鎖??｜股市漁夫最強選股系統
大家好！漁得水又跟大家見面！
8月20日港股再次失守25000點，跌穿上次低位24748，低見24581。港股跌勢加劇，來勢洶洶，不少股民未來得及反應，荷包已經受創。究竟熊市是否來臨？港股跌夠未？炒底是時候了嗎？不少股民發出類似問題，有見及此，漁夫號外節目：恒指到咗熊區，跌夠未？: https://youtu.be/RYQcnDeE2es解答了各位疑問。如果大家有興趣可以重溫。
前陣子出了一篇快手苦主文章。朋友問，點解唔寫700呀？騰訊(700HK)貴為股王，追隨者眾多，騰訊於2004年以$3.7定價，每手1,000股，入場費$3,700。2007年公司宣布每手股數由1,000股減至200股；2009年每手股數更降至100股。直至2014年，公司決定將股份1拆5，若撇除拆細因素，以今日收市價$481.2 (31/8/2021)計算，還原後股價$2406，如果當年持貨至今，一手$3700變$240.6萬！
記得當年騰訊招股上市，適逢我剛畢業出來社會做事，自己也幸運地抽中一手，不過未到$10已經沽左！當年只知道騰訊做網上聊天平台，Icon係一隻企鵝，類似當年的ICQ, 不過主攻國內市場，幾乎國內每個人都有一個QQ 號。有時我都會諗，如果當年冇沽到騰訊，今日就有200幾萬。但呢個世界冇如果，人始終要面對現實，做得唔好就要認，最多下次醒目啲。當我細心再諗清楚，如果我經常盯著報價機，只在乎股價的短期波動，就好容易為左少少利潤，沽左處於上升浪嘅股票。以前啱啱學人投資，成日聽到啲人話炒輪，好快賺到幾十萬至幾百萬。佢哋用一種叫做「坐個底，炒個面」嘅方法。意思是當你買入一隻股票，假設買入價為$1，股價升到$1.3, 你認為個勢繼續向上，$1.3買入另外一注，作為Day trade或短炒之用，$1買入的就坐住不沽，直至認為個勢已經轉弱，才沽貨獲利。
投資路上，冇一本通書睇到老，因為隨著時間的轉變，新的產品推出，又有唔同玩法。所以揀啱自己的方法，再配合適當的工具，就事半功倍。經常聽到苦主打去電視台問，高位入左騰訊，點算好？不如認清自己弱點，看看死因，再從新出發。一般散戶輸錢的心態都有以下三種:-
(1) 高追: 人性好奇妙，對於價格概念很難捉摸，一個月前覺得一間公司的估值偏高，但一個月後隨著股價急升，便有點後悔，認為自己分析可能出錯。在沒有任何重大因素影響下，當股價慢慢跌，這時便認為估值吸引，便開始買入，期望買入後股價會升，但已忘記了先前不願意購入的原因。當買入後股價沒有升，反而跌，認為更加吸引，股價越跌越買，這是散戶輸錢的通病。
(2) 不肯認錯: 散戶除了高追之外，不肯認錯也是通病之一。止蝕其實是承認自己當初買入時犯錯，但大部份人都不願意止蝕離場。他們有一種心態，就是一日未沽，一日未輸，結果變成一手蟹貨。如果預期股價會繼續跌，為何不趁早止蝕，選擇其他股票投資? 我記得有位前輩講過，「機會總比子彈多」，叫我將呢句說話寫在廁所鏡子上面，提醒自己。
(3) 貪平錯失機會: 有些投資者買入股票的時候，認為股價已升得太多，現價入市可能會蝕底。但有時候，股價隨着業績理想升勢越來越勁，當時不買，股價升了後便沒有再購入打算，這是一般散戶的心態。我有幾個朋友，買股票經常為一角幾毫，排低幾格，往往就係差嗰少少錢，買唔到，然後股價就開始起飛。
賣出認購期權（Short Call）
如果投資者手持騰訊(700HK)正股，買入價已經偏離現價甚遠，又不想忍痛沽出，唯一方法就係做covered call，收期權金幫補一下，叫做冇咁傷！
投資者可以賣出認購期權（Short Call），假設閣下持有的騰訊買入價為$560，并希望股價升到$570沽出。根據期權表中(下圖)，9月到期日的期權， $570行使價的short call ，期權金為1.6, 騰訊一手正股（100股）=1張option(其他股票未必1對1), 譬如：小米，正股一手200股，一張option =1000股，即1對5）
大家有需要可以點擊HKEX 連結: https://www.hkex.com.hk/Products/Listed-Derivatives/Single-Stock/Stock-Options?sc_lang=zh-HK, 看看股票期權名單。
簡單啲講，如果你有1000股騰訊坐緊艇，可以用期權方法，short call 10張，收1.6*10= $1600，只要到9月29號期結日，正股不高於$570，可以收$1600期權金，正股繼續持有。如果期結日(29/9/2021)當天，騰訊收市價高於$570，持有的正股就會用$570賣走。Covered Call策略可做到收息目的，風險亦可控，最大損失僅僅是正股潛在升幅。
($570行使價的short call ，期權金為1.6, 1張收$160)
=======================================================================================
如果大家想知道邊個行業板塊轉好，資金轉向炒乜?，漁夫系統最新功能--板塊能量圖或許會幫到你！有興趣可看看延伸文章利用漁夫系統，輕鬆選股話咁易!
股市漁夫係今年六月中推出全新功能「板塊能量圖」。板塊能量圖是莊志雄博士及漁夫團隊最新研發的大市指標之一。為了讓投資者更容易掌握股市中每個板塊的能量強弱度，股市漁夫港股系統及漁夫美股系統都加入了板塊能量圖功能。
「板塊能量圖」: 紅色代表弱勢，白色代表中性，綠色代表相對較強，配合1-100的數字，所有板塊行業及其子行業的強弱度一目了然。
=============================================================================
漁夫系統: https://www.stockfisher.com.hk/plans
一眼看清大市中短線方向全天候資產配置例子教學每週會員片總結宏觀觀察股市掃描助手幫你省時找出潛在轉勢股份股價提示功能用戶教育短片示範
=============================================================================
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
