「請注意頁底重要聲明」
上星期著名連登紅人「媽咪麵」表示，決定退出港股市場轉投美股，消息一出，即引起迴響，週一港股曾一度反彈至24242點，但後勁無力，今日更跌至低位23155點。聖誕節將至，今年的聖誕鐘，大家會點揀呢?
對於投資什麼類型的股票，以最快速度達到資產增值 ，甚至財務自由，是大部分人的夢想。由於市場資訊太多，在選購股票時, 大部分人往往卻猶豫不決。要篩選適合自己的投資策略，確實要花點時間。今日分享一下價值股投資，事緣有朋友想學投資，問買乜股票? 我揀了隻能量最高的價值股 -- 中國建築 (3311HK)俾佢，由於資金有限，佢只能入1手，於是佢起牛牛開戶，享受價值$1900迎新優惠 ( 一手APPL+$600超市禮券），此用意在於有$1900揸手，即使股價跌$1，都唔使蝕，接近打和。在我而言，這個策略下行風險接近0，對新投資者來說相對穩陣。怎知$7.1 買完，佢老公有微言，話買啲咁危險嘅股票，一陣係恒大second就死！我聽完之後頓時無言，(1) 中國建築 (3311HK)係建築股，唔係內房，（2）中國建築 (3311HK)係典型價值股, 市盈率（P/E ratio）7x, Dividend yield 4%, (3) 隻股票處於一浪高於一浪，技術指標向好，公司有賺錢，點解要同恒大嗰啲十個煲得一個蓋嘅公司比？
其實每次朋友問我有乜股票好買，我都有提起3311HK，但次次啲答案都係好負面。（1）升左咁多，先叫我追? 好危險喎！（2）乜嘢股嚟架？我驚好似啲工業股咁，跌鑊金！收息都係買番大藍籌穩陣（3）吓！乜價值股唔係新鴻基(16HK)嗰啲咩？呢隻都係？
今次提起3311HK，我主要想借機會感激莊博和漁夫系統，幫我省卻好多選股時間，而且同莊博做節目，真係學識好多野，今年我學識左買入一隻好股票，真係唔使理個市，因為好股票會逆市升，有錢賺，真係講都冇人信！而且我成個組合中，3311HK揸得最舒服，財息兼收之餘，短炒又可，重可以食埋證券開戶嘅staycation package。
我由今年5月初開始，買入3311HK，雖然經歷了1-2 次stop hunting, 但仍然持有。當時買入原因主要以收息為主，其後眼見公司盈利逐漸向好，更出現VCP利好形態，加上國策利好及得到不少本地基建項目，所以股價升穿$5.6, 再次出破後加了倉，有些長線倉，有些則為短線倉，炒波幅。而且一手2000股，每日波幅約$0.2-0.3, 有時更誇張到$0.5, 如果新人學投資買入一手，都有肉食！因為依家啲券行都免佣，只收平台費$15 (單邊)(除了$15平台費，其他收費包括：股票印花稅 0.13%、交易徵費 0.0027%、交易費 0.005%、交易系統使用費 $0.5%、中央結算費 0.002%)。好似我朋友，前幾日見到有間證券行出左嗰迎新staycation優惠，價值 $2500，但要做一次交易。我話簡單啦，趁大跌市買入一手，然後抽高後沽，結果即日賺左幾百蚊，贏多個免費lunch。當然我贏住炒，信心自然大，通常唔夠膽買，個死穴都係嫌嗰價貴，明明 $5.95出破訊號，依家成$9先買？我以前都有同樣心態，一直想買李寧(2331HK)，當時 $27.8出破冇買，再睇$40，再睇$60，再睇$100+，股價倍升，但只係陪睇，冇參與，得個「恨」字。有時投資就係要「順勢而行」，股價貴先證明有買盤，當然買入價都要拿捏得好，通常我會等股價跌到上個月高位附近買入，短炒用本月高位作為上望價，中間走range，然後定一個止蝕位。新手可以買1-2手，一個包包價錢，學吓投資，先增強信心，或者搵一間迎新優惠比較多嘅券行補嗰底，咁樣就更加穩陣。
P.S. 我短線倉炒得好密，大家唔好學我！
價值投資（Value investing）
說起價值投資（Value investing），大家會馬上諗起「股神」巴菲特（Warren Buffett）。其實最早提出價值投資概念的是班傑明葛拉漢（Benjamin Graham），價值投資是一種股票估值的方法，利用財務分析和經濟學上的研究來評估企業價值或預測證券價值的走勢。即了解公司的盈虧、現金流、資產負債、利潤幅度、回報率等企業財務數據。價值投資重視的是公司的內在價值，通常會挑選股價被市場低估、其價格比實際價值低的股票買進。
價值股定義
價值股（value stock）指相對公司的現有業績收益，股價被低估（undervalued）的股票。這類股票通常具有低市盈率（P/E ratio）與市帳率 (P/B ratio)、高股息（dividend）的特徵。價值投資者深信只要看中優秀的企業，又能以合理價格入市，長遠絕對有可能拋離大市表現，講求在高安全邊際下從股票中獲得合理的回報率。
如何挑選價值股?
挑選價值股，首先從市盈率（P/E ratio）開始，市盈率（P/E ratio）較低是價值股的必要條件，但只看市盈率（P/E ratio）是不夠的，通常會用以下5大指標分析:=
1. 市盈率 （Price-to-Earning Ratio, P/E）：是用來衡量股票平貴的一個指標
計算方法為 ：市盈率 (P/E) = 股價 / 每股盈利（EPS）
上市公司會向股東公佈期內盈利，也就是每股盈利 (EPS)。如果一家公司盈利為港幣1,000萬，並有1,000萬股流通股，那麼期內的每股盈利就是$1。
市盈率的計算是以公司目前股價除以每股盈利（一般以年度化計算）。舉例說，如果香港交易所（388.HK）在2021年12月16日的收市價為例，股價為HK$457，每股盈利為9.11，市盈率 = HK$457／HK$9.11 = 50.16倍。即是說，假設投資者現以HK$457買入港交所，港交所以後每年每股都是賺HK$9.11的話，就要持有這隻股票50.16年的時間才能回本。這是基本分析最常用的估值指標，兩隻股票若屬相同行業，又有相似的增長前景，那就最適合用這個指標進行比較。
2. 市盈率與增長比率 (Price/Earnings to Growth Ratio, PEG)：即市盈率相對盈利增長比率，是由上市公司的市盈率除以盈利增長速度得到的數值。
計算方法為 ：PEG=市盈率÷盈利增長比率
舉例說，如果市盈率為20倍，未來5年預計盈利增長率為10%，則PEG比率為2倍。這個指標背後有一個概念，高速增長的公司雖然市盈率較高，看似更昂貴，但若以這個指標看，隨時變得較低增長的公司「便宜」。
3. 市帳率 ((Price-to-Book Ratio, P/B) : 是一種量度股票估值的工具
計算方法是：市賬率 ＝ 股價 / 每股資產淨值
若數值大於1，即是代表股價比公司帳面值高；若數值小於1，則代表股價低於公司帳面值，股價相對便宜。一般來說，市帳率越低，就代表股票估值越低，比較抵買。
不同行業的市帳率平均水平會有所不同，所以市帳率多用作比較同行業的股票。市帳率經常會用來分析及評估銀行股、地產股等行業股票的投資價值。這些行業的公司都擁有大量資產，而這些公司的賺錢能力也主要取決於該公司的資產價值，例如：如果銀行擁有大量客戶存款，他們貸款給別人就能賺錢；而地產公司，只要他們擁有大量物業就可以出售或出租物業去賺錢。另一方面，即使這些公司經營不善，最後結業的話，這些公司變賣資產後也會有一大筆收入，所以了解和計算公司的帳面值是很重要的。
4. 股本回報率 (Return On Equity, ROE)：反映企業運用股東權益賺取利潤的能力
計算方法是：股本回報率ROE = 股東應佔溢利 / 股東權益
※ 淨收益 = 稅後淨利 - （優先股的股息 + 特殊收益）
簡言之，我們從股本回報率可見一家公司利用投資資本賺取利潤的效率，正如多數指標一樣，這指標最好用來比較同一行業的公司。換言之，某家公司的股本回報率為20%，另一家為10%，便可視為前者賺取利潤的效率更高。
5. 稅息折舊及攤銷前利潤(Earnings Before Interest, Taxes, Depreciation, and Amortization, EBITDA)：用於衡量一間公司盈利的指標。企業一定時期的息稅前利潤與折舊和攤銷之和(即：息稅前利潤+折舊+攤銷) 占這一時期的銷售收入凈額的比重
計算方法是：EBITDA利潤率＝息稅前利潤+折舊+攤銷/ 銷售收入凈額X 100%
EBITDA將財務（利息支出）及稅務（稅項）上的影響剔除，加強可比性，更重要的是，將折舊及攤銷這兩項非現金支出的影響也去除，加回在利潤之內，令EBITDA數字比較貼近現金流，較能反映盈利能力。
正因如此，EBITDA特別適用於容易受利息支出、折舊及攤銷等影響的公司，簡單而言，大多是資本密集型行業，例如是濠賭股，因其賭場的利息支出及折舊攤銷較高。同時，由於傾向以EBITDA作比較，因此在估值上亦並不單以PE作評估，而是普遍用EV/EBITDA，用途與PE完全一樣。
投資策略上, 入市時機非常重要！當知道自己的心水投資策略後，就可以學習分析技巧，尋找投資機會，利用分析方法，嘗試發掘一些潛力股。如果大家有興趣尋找倍升股票，股市漁夫有個免費研討會可以幫到你：五個步驟選出倍升股票
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
