經常聽到人講，話美股散戶調查，例如
AAII 已經去到好悲觀嘅情況，所以買上嘅值博率高，更有人話有如玩德州撲克攞到 "Pocket Aces"。但係漁夫講過好多次，呢啲純粹問意見嘅調查，其實非常之唔可靠。大家應該記得當日英國脫歐，當時嘅首相金馬倫都係因為信咗民調，而錯判形勢。所以漁夫一向唔係太注重睇呢類意見調查，反而會睇用真金白銀投票嘅數據。
下邊幅圖顯示，散戶不斷用錢投票買入ARKK ETF，但係跌咗超過五成之後，仍然只見極少資金流出隻就快沉嘅方舟基金⋯⋯
今次美股最危險嘅地方係，到依家都未有人驚今年美國進入深度衰退，拖累美股進入大熊市！投資者以為只需要捱一陣，央行就會再放水，令美股回升又可以大賺一筆，所以今年一路跌都冇乜人沽貨。
漁夫再講一次，我認為 ARK Invest 會好大機會於幾年之內消失，或者被低價收購，而契媽Cathie Wood 亦會消失於投資界！
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2022-04-27
