- 2022-06-06
- Plan ABCDE, 交易技巧, 會員文章, 漁民系列, 熱門文章, 風險管理, 免費文章
- 股市漁夫系統好唔好,股市漁夫好唔好,漁夫系統好唔好,漁夫好唔好,股海漁夫評價
大家好，又係我漁腩呀😁
近排睇到咁多師兄姐貼堂，我都嚟分享吓啦。托賴暫時今年回報+34%，成績都算唔錯啦。
我睇莊博分析超過10年，由舊鋪文章加videos 睇過好多好多次，因為有時睇一次吸收唔曬。
至於有人認為莊博係長期淡友，我夠膽講，莊博係最早睇好Tesla嘅《財演》之一，當時佢仲話係未來股王，幾年前已經係Elon Musk/Tesla大好友！況且，莊博亦經常講，就算熊都可以搵錢，例如2020年第一季，莊博示範用VIX and Eurodollar 期權做風險管理工具，而我當時就喺嗰一季賺咗首期。如果財演個個都好似莊博咁，香港股民有福啦😂
2020年莊博已經講長期看好商品及油價，例如可以考慮買石油股和農地REIT，我自己當然都有跟進。所以如果跟到莊博講嘅大Trends，付出嘅會費真係濕濕碎。
今年股市確係難炒，上年莊博已經開始討論長短倉策略(long-short strategy)，2022年頭更加提醒會員要用期權買跌市/戰爭保險(tail hedging)。由於連續兩年都慶幸贏錢，所以手風順嘅我年頭夠膽做大啲個短倉（多過長倉），不過我無時無刻記住短倉風險極大，所以美股收市前30分鐘我一定望住個mon，基本上我用short 美股指期貨/ QQQ 做部署，加long 部份喺漁夫選股工具搵到嘅中港價值股。如果今年有師兄/姐齋做長倉都賺到錢，希望你都可以分享吓，等大家學吓點樣做。
其實整體上，我都係跟住漁夫資產配置
Plan ABCDE模板，不過我依家只係揸60-70%貨（熊市反彈後加短倉對沖），其餘嗰啲都係Cash。
Long 港股
漁夫選股工具當然唔係無敵，例如今年我賺得最多係航運股，都冇出突破訊號，不過航運股波幅極大，只適合短炒，應該唔符合長揸選股嘅原則。買股切忌想一注獨贏，慢慢揀，分階段，分注碼，甚至間中short put 收期權金慢慢儲貨。
Short 美股
去年第一季聽到莊博講，契媽泡沫爆破，我就部署Short ARKK ，之後加Short Nasdaq / QQQ。今年就short 出業績的股王，例如AMZN/FB。不過做short，記得唔好太大注，同埋揀啲大市值嘅mega cap股，避免收購合併消息帶來的挾淡風險。
至於短倉操作，如果單日納指跌3% ， 我就會回補(cover)部分短倉。熊市不能太貪心，有三番就要食，唔好諗住鋪鋪食清一色。不過，就算依家反彈，我仍然有20-25%短倉keep 住，做downside protection，不過options我就未摸熟，暫時未必考慮用。
風險控制
莊博早前已經警告過，個市反彈期間會chok上chok落搞到大部分人disoriented，所以我減少長倉30%，亦都減少短倉60%，將整體倉位縮細，應對熊市反彈的波動市，咁樣可以避免左一巴右一巴，打亂自己節奏。
莊博以往都講過做空係極難，我今年四月初戶口一度由正變負，就係一個好好嘅例子，當然中間我有所調整，例如將唔確定嘅短倉先減一半，有信心嘅維持不變，適時加一些長倉作對沖。有了這個經驗之後，到5月再遇上熊挾淡式波幅市，我便將整體倉位縮細，長短倉都減少，以降低整體組合風險，同時增加可控性。因此，5月股市反彈時，戶口drawdown就明顯減少。
心態決定境界
每個人都想一注獨贏，但熊市要獨贏，非常難。我自問係一個小散戶，又何德何能？反而雞仔注，密食當三番，心態上反而更好管理。對於我嚟講，股票同poker好似，落場時，計算好有幾多籌碼可以輸，先做好風險管理。
我相信大部份贏錢嘅「股市漁夫」用戶，都明白好嘅倉位控制緊要過次次都「估中」升跌，良好的風險管理係唯一長遠贏錢嘅方法。
時間就是金錢
真心建議大家平日睇少啲新聞，反而多啲觀察「市場」發生咩事，市場就係反映真金白銀嘅交易，「股市漁夫」就係幫你消除市場雜音，有效地mon住個市埸嘅工具。
作為「股市漁夫」原始用戶，我認為工具嘅優點係，大大縮短了解讀市場嘅時間，大市方向及板塊強弱一目了然，俗語都有話，時間就是金錢。
重要聲明：股市漁夫內的所有內容，包括本影片，絕不構成任何投資意見或購買任何股票及金融產品的特定推薦意見及/或不構成任何游說或要約，以購買、出售或以其他方式交易任何證券、期貨、期權或其他金融工具或其他產品，漁夫系統的內容亦並非就任何個別投資者的特定投資目標、財務狀況及個別需要而編製。投資者不應只按漁夫系統的內容進行投資。用戶必須留意，漁夫系統的所有訊號，並非是買賣訊號或任何投資建議，而所有訊號均是全自動用第三方提供之客觀市場數據計算出來的結果，當中並不涉及任何人為的想法、修改、修訂或任何投資建議。本網站包含的所有內容、資訊、訊號，並不針對任何特定的投資目標、財務狀況以及可能使用或接收該內容的特定人員的特定需求。在作出任何投資決定前，投資者應考慮各種金融產品的個別特點、個人的投資目標、可承受的風險程度及其他因素，並適當地尋求獨立的財務及專業意見。
詳情請重溫股市漁夫FAQ及免責聲明。
最後更新： 2022-06-06
