文章分享

【名家給力場】留意美股季節性因素 付費會員獨家

 
「股市漁夫」創辦人莊志雄指，幾個星期前已講過要留意季節性因素，如果睇返標指過去嘅季節性軌跡，第3季通常都會回落，今年就係9月回落，但去到10月中，調整嘅因素開始減退，依家都係跟返過往第4季嘅表現，但要留意一樣嘢，就係升得咁急之後，可能會出現調整或整固，如果跟返以往嘅季節性因素，未來兩三個星期，美股可能會有一個整固或調整，之後可能有一浸升。
 
 

【名家給力場】恒指確認脫險要過3關

 
「股市漁夫」創辦人莊志雄指，港股今年弱勢，唔計今日恒指累跌5.3%，美股表現就好好多，標指累升約20%，納指就累升17%，但都大幅跑輸畀今年造得最好，累升42%嘅商品指數。至於第4季表現 ，佢話未肯定恒指已脫險，因為第一步要先升穿今年9月高位，其次係8月有一個下跌裂口，亦要先補返呢個裂口，然後要再升穿150天線，咁樣先確認恒指脫險。
 
 

【名家給力場】聯儲局唔「收水」唔得？

 
「股市漁夫」創辦人莊志雄指，Jackson Hole年會後其實係一個轉折位，美股喺會議結束後出現一個短暫亢奮，但其實係一個走勢陷阱，好多人喺「嗰一下」諗住聯儲局係鴿派，所以追入咗，但之後美股好快就回落，美債亦要跌，但呢個唔係聯儲局樂見，所以唔「收水」都唔得，另一方面，通脹升、物價升會影響「放水」空間，市場依家正正係驚呢樣嘢。
 
 

【名家給力埸】美股「股災月」勢危？

【Now財經台】聯儲局下星期就會議息，焦點必定落喺局方會唔會宣布減買債，因為有可能推冧美股，繼而殃及港股?

勝利瑞柏基金管理合伙人暨投資總監陳建良指，美股今年已9次跌穿50天線，但之後都會創新高，最近4次都好接近期權結算日，大市都係先跌後升，但今次未必會咁行。

KL又話，美股前幾次波動，都係連跌後連升，但今次跌足6日先升返1日，依家仲繼續跌緊，踏入10月呢個傳統股災月，加上就快議息，可能令美股走勢進一步轉差，因此，美股唔單止危過港股，美股一跌，港股都可能跟跌。

 

【名家給力埸】美股愈嚟愈難玩

 
「股市漁夫」創辦人莊志雄表示，由鮑威爾「放鴿」前到昨晚收市為止，其實美股都冇明確嘅方向，如果炒滯脹，債券冇理由升，如果炒通縮或通脹回落，油價又冇可能升咁多。
 
Lewis話，依家美股愈嚟愈難玩，但佢認為，其實由第2季開始已經要用防守策略，又可以留意一下反映風險因素嘅波幅指數，同埋道瓊交通平均指數(DJT)等。