文章分享

【名家給力場】北水一停大落後股隨時...

【Now財經台】港股噚日終於出現突破，升上年半高位，成交更達破紀錄嘅逾3000億元，只要資金繼續湧入，港股係咪仲有得升？衝30000關只係第一步？

「股市漁夫」創辦人莊志雄指，如果北水繼續係咁湧入嚟，當然會再升，其實年初至今，成個環球股市都係玩緊炒落後，而香港算係相對落後嘅股市。Lewis又話，如果港股過到30000點呢啲大位，係會繼續去，因為屬於一個突破，但佢提醒，買太落後嘅股份要小心，如果北水一停，呢啲股份好可能「遲升先跌」。

【名家給力場】一個焗聯儲局「收水」的原因

【Now財經台】日前有美國聯儲局官員放風話想「收水」，市場反應唔大，但最新又有另一派官員話唔急於「收水」，到底局方現階段應唔應該「收水」？

「股市漁夫」創辦人莊志雄認為，「收水」只係得個講字，因為根本冇本錢去做，2018年聯儲局一「收水」，美股即由升轉跌，但當時經濟基調其實十分強勁，更遑論依家美國經濟千瘡百孔，點可能「收水」。

Lewis又話，如果聯儲局真係要「收水」，都係被迫而非自願，2018年係局方覺得經濟好轉而「收水」，但聯儲局未來要「收水」只有一個原因，就係...

【名家給力場】美股2021年繼續上？

 
「股市漁夫」創辦人莊志雄指，其實美股今年係先跌咗逾30%再升返上嚟，波幅係好大，今年以嚟暫時升約14%，埋單升多啲，還是升少咗都唔太肯定，但個別股份係好勁，例如TESLA升咗幾倍，比近期發力嘅Bitcoin升得更多，8月借拆細挾高，最近就炒作入標指成分股。
 
Lewis認為，TESLA已經透支未來幾年嘅銷售增長，但股價唔一定會即刻跌，都要睇市場氣氛，而對沖基金經理都似乎睇好明年第一﹑二季表現，即代表仲有三至六個月炒，呢個推斷係基於未來半年經濟會復甦，因為有疫苗。不過，要留意一旦個市逆轉會好快。
 
 

【名家給力場】炒過龍？短炒經濟復甦要睇路

 
「股市漁夫」創辦人莊志雄話，歐美市場有唔少國家嘅疫情數字仲創緊新高，據聞歐洲有動物「中招」後，將病毒傳比人，依家話有效嘅Pfizer、Moderna疫苗，對呢啲新變種病毒係無效，呢方面係有一個變數，而基金經理、機構投資者都認為，依家最大嘅尾部風險仍然係COVID。
 
Lewis又話，睇返股市嘅表現，暫時唔係太理會呢個風險，自從拜登贏咗之後，個市一直炒復甦概念，即係有疫苗後復甦嘅機會已經price in咗唔少，已經當復甦咁炒。佢提醒，依家最大問題係短線會唔會炒過龍，因為未來幾個月好多國家都要封城，經濟會再出現放緩嘅狀況，可能要到明年3、4月，經濟數據先會好轉。