1）請讀以下常見問題，至少三次。 

2）至於財經新聞，最好睇少啲，因為多數都係市場雜聲。 　

勝利瑞柏基金管理合伙人暨投資總監陳建良指，加徵關稅主要影響中國出口企業或部分科技企業，因為晶片可能會受到限制，中央會加大財政政策，集中刺激內需，部分美國零售企業依靠中國內需，例如蘋果公司(Apple Inc.)及Starbucks。除了加大財政措施，中央亦會加大力度興建及推動科技及電訊基建。

【名家給力場】若特朗普勝選 中央將加碼刺激內需(上)

「股市漁夫」創辦人莊志雄指，仲有啲民調指賀錦麗(Kamala Harris)會贏，但如果睇博彩公司賠率、股市表現，同埋一啲有權威性嘅機構，因為佢哋唔止睇民調，仲會睇數據後做一啲模型，呢幾方面都顯示特朗普勝算較大，今日想講下如果真係特朗普勝出，有邊啲板塊最受影響，市場好多時都係講「Trump Trade」，有乜嘢係特朗普上場要買，但由於佢勝算增加，其實已偷步炒咗，但有部分就會受影響。

受影響會係乜嘢？科技股昨晚(10月31日)開始有受壓嘅情況，納指中線市寬失守50水平，科技股未來會唔會受影響？此外，特朗普遇襲前至今，領袖板塊、半導體交易所買賣基金(ETF)跌最多，值得留意係，長債ETF引伸波幅創新高，係咪反映債市恐慌性急升，但反映股市恐慌情緒嘅VIX都有升，但就跟唔上，係咪反映特朗普當選有利股市？

Lewis認為，要睇返唔同板塊表現，首先睇整體表現，科技股最緊要睇納指，之前形態係幾靚，原因係...

【名家給力場】若特朗普再入主白宮要買咩？(上)

「股市漁夫」創辦人莊志雄指，睇返博彩市場，特朗普10月之後勝算增加咗，接近63%，但呢個只可以反映特定某個族群嘅取態，炒美股要睇闊啲，睇返各類資產價格表現，特朗普2016年第1次參選時，各類資產係喺佢當選後先有反應，今次市場算係偷步炒，因為特朗普勝算高啲，大部分資產價格走勢同2016一樣，地區性銀行指數跑贏標普500，30年期美國債跌5%，只係金價同當年走勢唔同，今次係有得升。

Lewis又話，睇埋羅素2000指數，長倉倉位已升至阻力位，亦抽升過兩次，如果想繼續部署受惠於減息嘅中小型股，就要小心聯儲局未來嘅減息幅度，係咪仲有咁大減息空間，因為依家仍處於淺度減息周期，但市場就炒緊未來會減更多，踏入深度減息周期，不過，唔排除美國經濟狀況會再惡化，投資者必須小心部署。

「股市漁夫」創辦人莊志雄指，睇返上半年，美股嘅機會的確比港股多，但踏入8月之後，要揀股能力強先可以喺美股搵啱股，例如熱門股份微軟(Microsoft)及英偉達(Nvidia)，其實已有近8個月及4個月有波幅冇升幅，連呢類科技龍頭股只係反覆上落，反映美股其實唔易玩。

Lewis又話，距離美國總統大選完結唔夠30日，MOVE Index反映嘅債市引伸波幅創新高，意味交易債券嘅投資者擔心大選後，利率波動加劇及債價下跌，而有「恐慌指數」之稱嘅VIX升穿20水平，納指波動指數VXN更高見24水平，但標指就繼續創新高，呢個情況係極少見，過去20年，VIX高過20而大市指數創新高，只係出現過兩次，分別係新冠疫情前及科網股爆破前，要小心留意美股後市會點發展。

【名家給力場】投資者憂大選後美股會「出事」？(上)

今次補習班教授如何判別大市走勢，並使用工具分析領先與落後板塊，提供相應操作指引。您亦學會如何發掘潛在機會，制定有效策略，讓您在市場變動前做好充分部署。

想重溫當日內容，立即按以下按鈕重溫股市漁夫補習班。