文章分享

【Now財經台】美國聯儲局會喺香港時間周四凌晨2點公布議息結果，值得留意係，議息結果出爐前，孳息曲線由倒掛變返冇倒掛。

「股市漁夫」創辦人莊志雄指，孳息曲線一直都被視為一種好有效預測經濟衰退嘅工具，出現倒掛係因為聯儲局反應遲鈍未做嘢，睇返過去大半年，10年期美債息曾經由3厘樓上，跌到2厘樓下，已變相減咗1厘息，亦反映市場認為要減1厘息，但聯儲局一直冇減息，所以就出現倒掛，但呢個只係一個警號，唔代表經濟即時出現衰退。Lewis又話，有一個情況要特別留意，就係...

「股市漁夫」創辦人莊志雄指，股市悶局起碼維持到月底，睇返中美貿易戰嘅周期圖表，美國總統特朗普對華態度，應該又會強硬返，喺呢個情況下，港股應該會弱返啲。Lewis又話，6月底G20期間升完一浸後，就應該轉趨保守，等下一個低撈機會。

「股市漁夫」創辦人莊志雄指，其實之前已經預期美股第一季升完後，第二季就會回，佢估計，由於中美今次傾唔掂數嘅機會超過一半，再分析Call Put Ratio、Vix及未平倉合約等指標，相信會對後市有一定影響。聽吓Lewis嘅詳細分析...

「股市漁夫」創辦人莊志雄估計，等落後咗嘅基金經理追晒貨，個市就會調整，如果睇返上月底嘅調查，佢哋係揸咗好多現金，有三分之二嘅基金經理係跑輸指數，所以上季尾或第二季初段，就要增加好多持倉。

「股市漁夫」創辦人莊志雄表示，港股舊年走勢同2011年好相似，都係上半年有波幅、冇升幅，下半年就大跌，直至第四季先見底。佢又話，中央今年1月「放水」後，恒指就一帆風順，至今已經咗升約15%，估計第二季應該會有個回氣位，但係咪即刻出現就好難講，可能再玩多兩、三個星期都唔出奇，但的確係有需要回氣。

Lewis又指，美國聯儲局喺2012年上半年曾經「放水」，但之後收返啲，直至9月，當時恒指已經冇力升，期間更一度蒸發晒所有升幅，依家就要留意，聯儲局係咪會好快「放水」，因為2012年第四季因為聯儲局肯「放水」，恒指就創咗當年高位，但依家暫時未見到「放水」迹象，因為仲縮緊表。