文章分享

「股市漁夫」創辦人莊志雄指，除咗上面提及嘅因素會令美匯受壓外，美匯指數喺短時間內三度試穿條上升趨勢線，遲早都會穿，一旦穿咗，美匯轉弱嘅風險係好大。

Lewis又話，依家大家睇美匯指數未必會太清晰，但睇返一啲亞洲主要貨幣，例如人仔同坡紙，早已出現咗黃金交叉。佢又話，如果美匯指數穿咗位，就會行單邊市...

「股市漁夫」創辦人莊志雄指，年初中央「放水」撻著咗股市，中港股市就行先，A股大約喺2月中起動，當時散戶仲未進場，但近一個星期開始入市，但仲未去到危險水平，而內地散戶癲起上嚟，係可以癲幾個月，依家嘅關鍵係中央汲取咗上次嘅經驗後，會唔會畀散戶太癲，佢估計未必會。

港股方面，Lewis話後市有機會出現板塊輪流炒嘅情況，唔會好似1月、2月咁一齊升晒上去。

「股市漁夫」創辦人莊志雄話，佢嘅意思係，去到200天線時，不論港股定美股，初期上到一啲主要長期平均線時都會chok上chok落，引人造淡，然後挾淡倉，要等一啲大消息出現，個市先會向單邊行，如果要單邊向上，一定要有主要央行，例如聯儲局「放水」，美股上個禮拜係借ECB其中一個委員嘅言論挾上去，如果要單邊向下，Lewis估計，可能該係同經濟有關嘅消息，所以不論單邊向上或向下都要有消息。

「股市漁夫」創辦人莊志雄指，其實呢樣嘢之前都講過，美股跌市出現後，每次挾上去都有機會去到200天線，今日就見到喇，其實最重要係睇吓啲蟹貨消化晒未，但佢就認為未，除此之外，亦要睇基本因素有冇改善。

Lewis話，美股今次挾返上去，主要係聯儲局口風轉鴿，但呢個因素係咪足以令美股雨過天晴？佢就認為未，原因係.......

「股市漁夫」創辦人莊志雄指，Netflix挾淡倉真係挾得好兇狠，加價的確可以比到一個藉口繼續挾，問題係Netflix最終係咪加到價，因為外國主流媒體鋪呢個消息出嚟時，即刻湧現好多「嬲嬲豬」。

Lewis話，Netflix依家仍然係一間負自由現金流公司，「收水」對Netflix有好大影響，所以焗住要加價，因為唔可以繼續蝕落去。莊志雄又指，現時FAANG估值好貴，呢個正正係美國兩大問題之一，至於另一個問題係...

「股市漁夫」創辦人莊志雄表示，早前曾提及預期港股今年便會尋底，因為中港股市估值不算昂貴，只要有一出現利好消息，例如中央提出降準後，股市便即時造好。他續指，即使是過去一個月最差的時候，仍尚有三成股票股價於50天線以上。現時外圍市況好轉，加上中央態度有寬鬆迹象及中美貿易談判帶動，以及美國聯儲局本周並無縮表，故令港股反彈較強，惟這些因素未必能改變大方向。

「股市漁夫」創辦人莊志雄相信，蘋果等散戶愛股今年應該會較麻煩，因為已累積不少蟹貨。他續指，過往有不少美國科技股成為股王後回落的例子，要翻身必須靠創新，例如微軟是憑藉雲技術轉型。反觀蘋果，雖然現時尚未出現可挑戰其地位的對手，但蘋果能否翻身，必須視乎日後推出的產品能否找到新出路。惟莊志雄直言，靠最叻回購股份的行政總裁庫克，似乎難以成事。

「股市漁夫」創辦人莊志雄表示，今年的焦點是美國聯邦儲備局的收水行動何時出現逆轉，即停止加息或縮表。他又指，雖然今年大市開局氣氛悲觀，但投資者往往會在此時開始留意撈底機會。他預期，中港股市今年有機會會尋底，因為中港股市及估值已累積一定跌幅，而人民銀行其實是有能力放水，推出刺激措施，值得投資者留意。

此外，莊志雄建議，投資者上半年應作保守部署，直至環球主要央行釋出會放鬆銀根的訊號，屆時再轉為作長線進取部署......

【Now財經台】道瓊斯工業平均指數本月至今跌約2400點，美股於年尾表現不濟，是否意料之外？

「股市漁夫」創辦人莊志雄表示，美股於12月大跌的情況十分罕見，跌市主要是受聯儲局主席鮑威爾的言論影響，因為即使美國暫停加息，但在自動導航縮表下流動性仍會持續收緊，效果其實與加息無異。他續指，當股市及經濟無法承受時，聯儲局最終仍會向現實低頭，故預期聯儲局明年便會重新減息。

「股市漁夫」創辦人莊志雄指，技術上同時間點係有本錢彈，首先係最弱嘅股票已經唔跌，其次係同上次提及嘅總統周期有關，就係中期選舉後，美股係應該有得升，但今次或未來三至六個月，就唔可以好肯定話一定有得升，但應該有得彈。

Lewis又話，短期不論基於挾淡倉、太超賣、高位跌咗唔少等因素，挾返少少上去絕對唔出奇，但大前提係...

「股市漁夫」創辦人莊志雄表示，長線而言，隨着電動車興起，石油需求肯定會下跌，至於從短線技術分析，他則相信油價於每桶50美元會有較大支持。

莊志雄又認為，油價大跌，很大機會會令美國債息跟隨下跌。他解釋，油價下跌會影響美國通脹表現，或會令聯邦儲備局一改漸進加息口風，屆時債息勢下跌。即使聯儲局堅持加息，當經濟無法承受，令聯儲局要減息救經濟，債息一樣會下跌。

另外，莊志雄指，油價下跌，加上人民幣企穩，有利內地航空股造好，惟建議投資者只應短炒不宜長坐，因為......(詳情請看影片)

「股市漁夫」創辦人莊志雄表示，觀乎過去數據，無論中期選舉結果如何，美股標普500指數於選舉後至年底，上升的次數都比下跌多。不過，美國總統特朗普有別於歷屆總統，他早於任期首兩年，已出盡法寶力谷經濟，難免令人懷疑其後彈藥或會不足，除非聯儲局不再加息甚至掉頭減息，否則美股應難再上。事實上，研究機構NDR的數據亦顯示，全球衰退機率高達80%，投資者必須小心。