文章分享

「股市漁夫」創辦人莊志雄說，以納指計，約一半股票的股價都在二百天線以下，表現其實不算亮麗。

以不同數據分析，包括阿特蘭大聯儲銀行的GDP模型預測、花旗經濟驚喜指數、路透初創企業指數等，都反映未來經濟表現，可能會有隱憂。即使大部分環球央行已經放水，但根據過往經驗，央行放水都難阻經濟下行，種種數據似乎預示著美股後市難言樂觀。

「股市漁夫」創辦人莊志雄指，聯儲局話呢個唔係QE，但從「放水」角度睇的確係放緊水，只不過做法係從市場買入一啲短債，唔係買長債，同之前做QE最大分別係，今次短債息係升得幾明顯，短息之前係幾混亂，仲衝穿聯儲局上限，所以嘗試撳返低，Lewis又話，呢個變化唔係所有Sector都可以受惠，喺呢段時間最受惠就係美國金融股。

【Now財經台】美國聯儲局會喺香港時間周四凌晨2點公布議息結果，值得留意係，議息結果出爐前，孳息曲線由倒掛變返冇倒掛。

「股市漁夫」創辦人莊志雄指，孳息曲線一直都被視為一種好有效預測經濟衰退嘅工具，出現倒掛係因為聯儲局反應遲鈍未做嘢，睇返過去大半年，10年期美債息曾經由3厘樓上，跌到2厘樓下，已變相減咗1厘息，亦反映市場認為要減1厘息，但聯儲局一直冇減息，所以就出現倒掛，但呢個只係一個警號，唔代表經濟即時出現衰退。Lewis又話，有一個情況要特別留意，就係...