文章分享

「股市漁夫」創辦人莊志雄指，股市悶局起碼維持到月底，睇返中美貿易戰嘅周期圖表，美國總統特朗普對華態度，應該又會強硬返，喺呢個情況下，港股應該會弱返啲。Lewis又話，6月底G20期間升完一浸後，就應該轉趨保守，等下一個低撈機會。

「股市漁夫」創辦人莊志雄指，其實之前已經預期美股第一季升完後，第二季就會回，佢估計，由於中美今次傾唔掂數嘅機會超過一半，再分析Call Put Ratio、Vix及未平倉合約等指標，相信會對後市有一定影響。聽吓Lewis嘅詳細分析...

「股市漁夫」創辦人莊志雄估計，等落後咗嘅基金經理追晒貨，個市就會調整，如果睇返上月底嘅調查，佢哋係揸咗好多現金，有三分之二嘅基金經理係跑輸指數，所以上季尾或第二季初段，就要增加好多持倉。

「股市漁夫」創辦人莊志雄表示，港股舊年走勢同2011年好相似，都係上半年有波幅、冇升幅，下半年就大跌，直至第四季先見底。佢又話，中央今年1月「放水」後，恒指就一帆風順，至今已經咗升約15%，估計第二季應該會有個回氣位，但係咪即刻出現就好難講，可能再玩多兩、三個星期都唔出奇，但的確係有需要回氣。

Lewis又指，美國聯儲局喺2012年上半年曾經「放水」，但之後收返啲，直至9月，當時恒指已經冇力升，期間更一度蒸發晒所有升幅，依家就要留意，聯儲局係咪會好快「放水」，因為2012年第四季因為聯儲局肯「放水」，恒指就創咗當年高位，但依家暫時未見到「放水」迹象，因為仲縮緊表。

「股市漁夫」創辦人莊志雄指，除咗上面提及嘅因素會令美匯受壓外，美匯指數喺短時間內三度試穿條上升趨勢線，遲早都會穿，一旦穿咗，美匯轉弱嘅風險係好大。

Lewis又話，依家大家睇美匯指數未必會太清晰，但睇返一啲亞洲主要貨幣，例如人仔同坡紙，早已出現咗黃金交叉。佢又話，如果美匯指數穿咗位，就會行單邊市...

「股市漁夫」創辦人莊志雄指，年初中央「放水」撻著咗股市，中港股市就行先，A股大約喺2月中起動，當時散戶仲未進場，但近一個星期開始入市，但仲未去到危險水平，而內地散戶癲起上嚟，係可以癲幾個月，依家嘅關鍵係中央汲取咗上次嘅經驗後，會唔會畀散戶太癲，佢估計未必會。

港股方面，Lewis話後市有機會出現板塊輪流炒嘅情況，唔會好似1月、2月咁一齊升晒上去。