「股市漁夫」創辦人莊志雄指，好多美國企業嘅成績表都遠好過預期，比率近90%，上一次有咁好成績已經係2010年，但要留意一點，就係2010年後，績優企業都有啲無以為繼，因為好過預期嘅比率已經好高，要再進一步係有難度，股市喺經濟復甦嗰一下之後，就要唞唞氣，當日美股跌到好殘，但經濟就重新起步。

Lewis又話，如果睇標指企業真係交足貨，但最有趣之處就係業績靚，但股價唔識升，如果睇返過去一星期出咗業績嘅科技巨企，雖然唔係間間跌，Facebook 、Alphabet都有得升，但部分就跑輸標指，其實高增長股喺2月已經見頂，雖然依家標指仲撐得住，但今次業績公布後，見到績優股都要跌，佢認為有兩個「解釋」...

【Now財經台】印度疫情持續嚴峻，單日確診數目不斷創全球新高。內地方面就有華融債務問題，呢兩個因素對股市造成幾大潛在風險？

長證國際資產管理部董事總經理陳建良指，華融仍有一啲有價值嘅資產，相信中央會等事件有序咁慢慢「洩氣」，唔會畀佢爆煲，估計只會影響到少部分銀行業績。不過，印度疫情嘅潛在風險明顯較大，KL認為，印度實際死於新冠病毒嘅人數，肯定比報道出嚟嘅多，印度疫情咁嚴重，醫藥供應鏈可能會斷裂，因為有唔少藥物都係喺印度製造，投資者必須留意呢個因素。

在投資的過程中，絶大部份散戶投資者都希望在低位買入，然後高位沽出……但有幾多人做得到呢?? 其實買入一隻股票前，除了做足功課外，最重要一定是風險管理，不要讓股票組合虧損擴大。不少人年初高追中概科技股，依家問洗倉洗到幾時，這就是沒有做好風險管理的後遺症。

大戶（投行/基金）有資金優勢，可以拉長條戰線來分散風險，而散戶嘅優勢當然係買賣限制少，轉身夠快，但資金相對有限，所以揀股變得非常重要！ 漁夫系統的選股功能，能幫助投資者篩選出強勢股，捕捉股價突破的時機。

大家好！漁得水又跟大家見面！

本週二小妹接受莊博邀請，初試啼聲做漁夫直播嘉賓，由於經驗尚淺，臨場表現或許未如理想，尚有待改進，希望大家唔好見怪。港股市場方面，本週仍處於上落市格局，恆指在300-400點之間上落，嘗試挑戰29000點關口。眨下眼已踏入4月中，5月中將有多隻藍籌股除淨派發股息，若投資者想買股收息，是時候可以計劃一下。市場預期今年上半年疫苗注射樂觀，5月政府開始推行疫苗氣泡計劃及派發$5000電子消費卷，經濟重啟將至，究竟有什麼板塊值得大家留意?

【Now財經台】大行摩根大通上調內地鋼鐵板塊評級，原因係限產、減排會令供應減少。如果講到政策大方向，自然令人聯想到行業整合，係咪一定利好龍頭企業？ 

大家好！漁得水又跟大家見面！

內地最大網上旅遊服務平台攜程集團-S（新上市編號︰9961HK）今天起在港正式招股，招股時間為4月8- 13日，公司擬計劃發行3,163.56萬股，集資最多約105.3億元，當中7%為香港公開發售，93%為國際配售，每股發行價最高為333元，一手50股，入場費為$16,817.78元，預期將於4月19日掛牌上市。摩根大通、中金公司及高盛為聯席保薦人。昨晚（4月7日）攜程集團 Ctrip（美：TCOM）美股收市報38.81美元，由於每一股美國存託股(ADS)代表一股Z類普通股，折合相當於每股301.16(38.81*7.76)港元，意味港股最高發售價較美股有9.56%溢價。

「股市漁夫」創辦人莊志雄指，噚晚債息冇大反應係好事，其實近期債息都比較穩定，所以之前影響股市表現嘅情況冇再出現。睇返美銀嘅調查，可能係股票價值升咗，債券價值跌，此消彼長下，私銀客戶持有股票比重去到2005年以來高位，達63.6%，值得留意係，2015年呢個比重係62.5%，當年係一個上落市，暫時睇嚟同今季情況差唔多。

Lewis又話，過往如果去到咁滿倉係要小心啲，起碼唔好再加倉，賺緊錢一定繼續持貨，美銀嘅調查話依家係牛市末期，其實係比較奇怪，因為依家先開始復甦，未見過啱啱復甦就係牛市末期，而基金經理持倉又咁滿，相信原因係...

「股市漁夫」創辦人莊志雄指，由於Facebook、Alphabet、微軟創新高，帶動標指破頂，雖然納指冇創新高，但今年以嚟仲係有升幅，不過，由於之前好多炒得好顛嘅股份，尤其未有盈利嗰啲，其實呢類股票已經屬於「泡沫爆破」，例如「契媽股」。佢又話，其實少咗股份參與今輪升市，亦睇到市寬係背馳，標指係向上，因為大市值股造好，但整體大市係愈來愈多股份跌穿50天線，剩返約一半股份喺50天線樓上。

Lewis估計，市寬會喺現水平上落，強勢股會hold得好啲，但弱勢股彈完之後應該冇力再升，市寬要上返高位亦比較難，因為有好多蟹貨，相信第二季都會係呢個狀態，即指數可能再創新高，但之前炒得最顛嘅股份，最叻都只係打橫行。