【Now財經台】今日復牌兼港股跌市元兇之一嘅碧桂園服務(06098)，唔止一開市已插穿配股價53.35元，股價更一度大冧逾16%，低見49.1元，今次係公司半年內第2次抽水，係咪好等錢使？如果碧服股價彈唔起，應該點部署？ 勝利瑞柏基金管理合伙人暨投資總監陳建良指，碧服係急需資金，但同股東套現、公司財政冇關，而係好多收購機會。因為内房如有財困，最快手就是賣旗下賣物管公司。雖然公司第2次配股，但睇返最近3宗較大嘅收購，收購估值都幾低，大約係10倍至14倍PE，公司係應該趁依家買平貨，因為當內房解決咗債務問題，一定唔會平賣資產。 KL又指，碧服已經預備約300億人仔做主業發展及併購，佢估計，公司未來半年都會做收購，增長空間亦唔細。KL認為碧服買得過，但唔肯定股價會否如觀眾所希望，回得番去50元俾你買。 https://finance.now.com/analysis/post.php?type=309&id=698087 https://finance.now.com/analysis/post.php?id=698086&type=309【名家給力場】碧服買得過因為...
【名家給力場】碧服買得過因為...(上)
【名家給力場】碧服買得過因為...(下)
【Now財經台】美股3大指數噚晚終於要跌，雖然之前升咗咁多日，但睇返各類資產喺聯儲局議息後嘅表現，債券明顯跑贏，應該點解讀呢個現象？
「股市漁夫」創辦人莊志雄指，聯儲局加息加得太慢，市場認爲係一個錯誤，因爲聯儲局龜速「收水」，會導致明年第1、第2季需要提早，甚至加快加息，市場依家似乎係驚緊呢樣嘢。若加息步伐加快會影響美國經濟，所以美債係議息後突然升得勁過股市，例如長債ETF，如果市場驚通脹，長債ETF應該會跌，但依家不跌反升，呢幾日大幅跑贏標指。
Lewis又話，另一個技術性因素可能係之前太多人睇淡長債，個個驚通脹就沽空債券，出現挾淡倉嘅情況，依家債券、黃金呢啲避險資產跑贏股市，但其實股市唔係冇亮點，投資者不妨再觀望一下。
【名家給力場】美議息後債券跑贏因爲…（上）:
【Now財經台】在港上市嘅疫苗及相關股，近排都跟住外圍嘅疫苗股跌，應該點評估之前可以受惠，但隨著行業嘅變化及環境唔同咗，喺香港上市嘅疫苗股前景又係點？ 勝利瑞柏基金管理合伙人暨投資總監陳建良指，內地疫苗股冇美國疫苗股風險咁高，一來内地人口多，其次係打疫苗嘅積極都偏高，所以影響比較小，以康希諾生物(06185)為例，主要收入來源係新冠疫苗，而內地製造疫苗嘅成本比較平，同埋出口去已發展國家之後，先運去第三世界國家，所以跌幅冇Moderna及BioNTech咁大。 KL覺得市場低估咗疫苗供應鏈嘅重要性，疫苗儲存、注射方式都有一定要求，令疫苗普及性始終唔及口服藥，認為疫苗股高峰已過。 https://finance.now.com/analysis/post.php?id=695055&type=309 https://finance.now.com/analysis/post.php?type=309&id=695056 【名家給力場】疫苗股高峰已過？
【名家給力場】阿爺否會對內房見死不救？ 【Now財經台】內房股呢兩日彈高，花旗嘅報告預期，內房股仲有10%至15%反彈空間，今輪升勢可能持續到11月，而中央喺六中全會召開前出手維穩，除要求銀行加快審批樓按，人行副行長亦指內房融資逐步回復正常。 勝利瑞柏基金管理合伙人暨投資總監陳建良指，唔少市民攞晒成副身家去買樓，阿爺今次只係派定心丸畀買咗樓嘅市民，但從來冇話過要幫内房墊底，實情係中國恒大(03333)事件，令好多市民對房地產失去信心，未必想再買樓，減少咗地方政府嘅收入，所以中央唔會對內房見死不救。 【名家給力場】阿爺唔會對內房見死不救(上) https://finance.now.com/analysis/post.php?id=691877&type=309 【名家給力場】阿爺唔會對內房見死不救(下) https://finance.now.com/analysis/post.php?type=309&id=691878
